Jeremiah 14:9 - Yn Vible Casherick 1775 1819

⁹ Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.

Jeremiah 14:9 ပူးပေါင်းရင်းမြစ်များ

2 Recortyssyn 7:14

My nee my phobble ta enmyssit orrym, ad-hene y injillaghey, as padjer y yannoo, as shirrey my eddin, as chyndaa veih nyn ghrogh raaidyn: eisht ver-ym clashtyn veih niau, as neem’s yn peccah oc y leih, as slaanee-ym yn cheer.

Psalmyn 10:1

Cre hon t’ou shassoo choud jeh, O Hiarn: as follaghey dt’eddin ayns y traa femoil dy heaghyn?

Psalmyn 27:9

Ta my chree er yannoo imraa jeed’s; Shir-jee my eddin: Dt’eddin, Hiarn, neem’s y hirrey.

Psalmyn 46:5

Ta Jee ayns y vean eck, shen-y-fa cha bee ee er ny scughey: nee Jee cooney lh’ee, as shen dy feer voghey.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 43:7

Eer dagh unnane ta enmyssit orrym’s: son ta mee er chroo eh son my ooashley, ta mee er chummey eh; dy jarroo, ta mee er chiaddey eh.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Isaiah 59:1

Cur-my-ner, cha vel laue yn Chiarn er n’aase giare, nagh vod eh sauail; chamoo ta e chleaysh moal, nagh vod eh clashtyn:

Isaiah 63:19

Lhiat’s ta shin: cha row adsyn rieau fo dty reill; cha row yn ennym ayd’s cowrit orroosyn.

Jeremiah 15:16

Hooar mee dty ghoan, as d’ee mee ad; as va dty ghoo dooys boggey as gerjagh my chree; son ort’s ta mee enmyssit, O Hiarn, Jee ny sheshaghtyn flaunyssagh.

Jeremiah 51:5

Son cha vel Israel dy slane treigit, ny Judah, liorish e Yee, Chiarn ny flaunyssee; ga dy row yn cheer oc lhieent lesh peccah noi Fer-casherick Israel.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Dobberan 5:20

Cre’n-fa t’ou dy yarrood shin son dy bragh, as treigeil shin son choud dy hraa?

Ezekiel 48:35

Va’n slane towshan mygeayrt hoght thousaneyn jeig dy howshanyn: as bee ennym yn ard-valley veih yn laa shen, Ta’n CHIARN ayns shen.

Habakkuk 1:2

O Hiarn, caïd nee’m geamagh, as cha jean oo clashtyn! eer geamagh dy ard hood, mychione tranlaase, as cha jean oo sauail!

Zechariah 2:5

Son beem’s jeeish, ta’n Chiarn dy ghra, voalley dy aile ooilley mygeayrt, as beem’s yn ghloyr ayns y vean eck.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.

Earrooyn 11:23

As dooyrt y Chiarn rish Moses, Vel laue’n Chiarn er n’aase giare? nee uss fakin nish, jig my ghoo gys kione, mannagh jig.

Jannoo 15:17

Dy vod y Chiarn v’er ny hirrey magh liorish y chooid elley jeh deiney [Israel] as liorish ooilley ny Ashoonee, ta enmyssit orrym, ta’n Chiarn gra, ta jannoo dy chooilley nhee jeu shoh.

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s baghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Deuteronomy 23:14

Son ta’n Chiarn dty Yee gimmeeaght ayns mean dty champ, dy livrey oo, as dy chur dty noidyn fo-chosh royd: shen-y-fa vees dty champ casherick, nagh vaik eh red erbee neu-ghlen aynyd, as chyndaa ersooyl voïd.

Deuteronomy 28:10

As nee ooilley ashoonyn y theihll fakin, dy vel oo er dty enmys er y Chiarn, as bee aggle orroo royd.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Ashlish 21:3

As cheayll mee coraa mooar veih niau, gra, Cur-my-ner, ta cabbane-agglish Yee marish deiney, as nee eh cummal mâroo, as bee ad e phobble, as bee Jee eh-hene mâroo, as bee eh yn Jee oc.

1 Samuel 12:22

Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.