Jeremiah 14:3 - Yn Vible Casherick 1775 1819

³ As ta ny chiarnyn oc er chur magh nyn mooinjer veggey gys ny ushtaghyn: haink ad gys ny puill, as cha row bine ry-gheddyn; hyndaa ad reesht lesh nyn siyn follym; v’ad mooar-seaghnit as ec kione nyn geiley, as dollee ad nyn eddin.

Jeremiah 14:3 ပူးပေါင်းရင်းမြစ်များ

2 Samuel 15:30

As hie David seose lesh cronk Olivet, keayney myr v’eh goll seose, lesh e chione coodit, as e chassyn rooisht: as dy chooilley ghooinney va mârish lesh e chione coodit, as hie ad seose, keayney myr v’ad goll.

2 Samuel 19:4

Agh choodee’n ree e eddin, as dyllee eh lesh coraa ard, O my vac Absalom! O Absalom, my vac, my vac!

1 Reeaghyn 17:7

As haink eh gy-kione lurg earish, dy hyrmee yn strooan seose, er-yn-oyr nagh row veg y fliaghey er ve ’sy cheer.

2 Reeaghyn 18:31

Ny eaisht-jee rish Hezekiah: son myr shoh ta ree Assyria gra, Jean-jee coardail rhym’s lesh gioot, as tar-jee magh hym’s, as eisht ee-jee dy chooilley ghooinney jeh e villey-feeyney hene, as dy chooilley unnane jeh e villey-figgagh hene, as iu-jee dy chooilley unnane jeh ushtaghyn yn chibbyr echey hene;

Esther 6:12

As haink Mordecai reesht gys giat y ree: agh ren Haman siyr gys e hie, dobberan, as lesh e chione coodit.

Lioar Yob 6:20

V’ad ec kione nyn geiley, son dy row ad mollit ayns nyn dreishteil; haink ad gys shen, as hie nyn dappey voue.

Psalmyn 109:29

Er my hon’s, ver-ym mooarane booise da’n Chiarn lesh my veeal: as nee’m eshyn y voylley mastey earroo yn phobble.

Psalmyn 40:14

Ny tayrn dty vyghin ersooyl voym, O Hiarn: lhig da dty chenjallys-ghraihagh as dty irriney dy kinjagh mish y choadey.

Jeremiah 14:4

Er-yn-oyr dy vel y thalloo gaagey, gyn fliaghey er yn ooir, va ny errooyn ass cree, choodee ad nyn ghing.

Jeremiah 15:18

Cre’n-fa ta my ghuin kinjagh? as my lhott nagh vel saase ny chour? bee uss dooys er aght erbee myr molteyr, as myr ny ushtaghyn ta failleil?

Jeremiah 2:13

Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Jeremiah 2:37

Dy jarroo, hed oo magh voish [dobberan], lesh dty laueyn er dty chione: son ta’n Chiarn er choyrt sheese dy varrantee, as cha bee ayd foays erbee lioroo.

Jeremiah 20:11

Agh ta’n Chiarn mârym’s myr fer-caggee niartal as atchimagh; shen-y-fa nee my hranlaasee tuittym, as cha vow ad yn varriaght; bee ad coodit lesh nearey; son cha jig eh lhieu; cha bee yn slane toyrt-mow oc dy bragh er ny yarrood.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Dobberan 4:4

Ta chengey yn oikan er y cheeagh lhiantyn gys e ghruntyn trooid paays: ta’n chloan aegey geearree arran, as cha vel unnane dy hirveish eh orroo.

Hosea 2:3

Er-aggle, dy der-ym ee gys nearey, cha rooisht as y laa ruggyr ee, as dy jean-ym ee myr faasagh, as myr thalloo reeastaneagh, as dy marr-ym ee lesh paays.

Joel 1:20

Ta beïyn y vagher geamagh myrgeddin hood’s: son ta ny hawinyn ushtey chyrmit seose, as ta’n aile er stroie aberyn yn aasagh.

Amos 4:7

As myrgeddin ta mee er lhiettal yn fliaghey veue, tra ta foast three meeaghyn gys yn ouyr, as hug mee fliaghey er un ard-valley, as cha dug mee fliaghey er ard-valley elley: huitt fliaghey er un vagher, as ren y magher fioghey nagh daink fliaghey er.

Amos 4:8

Myr shen ren ghaa ny three dy ard-valjyn rouail gys un ard-valley, dy gheddyn ushtey; agh cha row ad jeant magh: ny-yeih cha vel shiu er hyndaa hym’s, ta’n Chiarn dy ghra.

Zechariah 14:17

As bee eh myr shen, quoi-erbee jeh ooilley kynneeyn ny hooirey nagh jed seose gys Jerusalem, dy ooashlaghey yn ree, Chiarn ny flaunyssee, eer orroosyn cha bee veg y fliaghey.