Jeremiah 13:18 - Yn Vible Casherick 1775 1819

¹⁸ Abbyr rish y ree as y ven-reïn, Cur-jee veue nyn moyrn, soie-jee sheese dy injil; son bee ny rheamyn eu currit sheese, eer attey nyn ghloyr.

Jeremiah 13:18 ပူးပေါင်းရင်းမြစ်များ

2 Reeaghyn 24:12

As hie Jehoiachin ree Yudah magh gys ree Vabylon, eh-hene, as e voir, as e gheiney, as e phrinceyn, as ny fir-oik echey; as ghow ree Vabylon eh ayns yn hoghtoo vleïn jeh’n reill echey.

2 Reeaghyn 24:15

As hug eh lesh Jehoiachin ersooyl gys Babylon, as moir y ree, as mraane y ree, as ny fir-oik, as ard-gheiney ny cheerey; ad shen hug eh lesh ayns cappeeys veih Jerusalem gys Babylon.

2 Recortyssyn 33:12

As tra v’eh ayns seaghyn, ren eh aghin gys y Chiarn e Yee, as ren eh eh-hene y injillaghey dy mooar kiongoyrt rish Jee e ayraghyn.

2 Recortyssyn 33:19

E phadjer myrgeddin, as kys va myghin ec Jee er, as ooilley e pheccah, as e loght, as ny ard-ynnydyn hrog eh, as ny keylljyn, as ny jallooyn grainnit v’echey roish e arrys: cur-my-ner t’ad scruit mastey raaghyn ny ashleyderyn.

2 Recortyssyn 33:23

As cha ren eh eh-hene y injillaghey kiongoyrt rish y Chiarn, myr va Manasseh e ayr er n’yannoo; agh hie Amon er e hoshiaght ny smessey ass ny smessey.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Exodus 39:28

As ren ad mitre dy heeidey, as bayrnyn aalin d’aanrit keyl, as breechyn d’aanrit keyl.

Raaghyn Creeney 27:24

Son cha vel berchys son dy bragh: as vel yn attey reeoil goll veih sheeloghe gys sheeloghe?

Isaiah 3:20

Ny bonnettyn, as coamrey ny lurgaghyn, as ny rybbanyn, as ny beadyn grainnit, as ny fainaghyn-cleaysh,

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Isaiah 47:1

Tar neose, as soie ayns y joan, O voidyn inneen Vabylon; soie er y thalloo: cha vel stoyl-reeoil sodjey dty chour’s, O inneen ny Caldeanee: son cha bee oo ny smoo enmyssit seyr as mettey.

Jeremiah 22:24

Myr s’bio mee, ta’n Chiarn dy ghra, ga dy beagh Coniah mac Yehoiakim ree Yudah yn cowrey er my laue yesh, foast yinnin oo y raipey veih shen;

Jeremiah 22:26

As neem’s oo y hilgey magh, as dty voir ren dty ymmyrkey, gys cheer yoarree, raad nagh ruggyr shiu; as ayns shen yiow shiu baase.

Jeremiah 29:2

(Erreish da Jeconiah yn ree, as y ven-reïn, as ny shamyrderyn, princeyn Yudah as Yerusalem, as ny seyir, as ny gaauenyn, v’er n’immeeaght ass Jerusalem,)

Jeremiah 36:16

Nish haink eh gy-kione, tra v’ad er chlashtyn ooilley ny goan, dy row aggle orroo ooilley dy cheilley, as dooyrt ad rish Baruch, Inshee mayd dy firrinagh da’n ree ooilley ny goan shoh.

Dobberan 1:6

As ta ooilley aalid inneen Zion er n’immeeaght: ta ny princeyn eck er jeet dy ve myr feeaïh nagh vel geddyn pastyr, as s’coan ta niart eck chea roish y chelgeyr.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 2:10

Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 16:12

As hug mee jewel er glaare dty eddin, as fainaghyn ayns dty chleayshyn, as attey aalin er dty chione.

Ezekiel 21:26

Myr shoh ta’n Chiarn Jee dy ghra, Scugh voish yn attey reeoil, gow jeh yn chrown: cha bee eh myr v’eh: trog-jee eshyn ta injil, as cur-jee sheese eshyn ta ard.

Ezekiel 24:17

Shaghyn dty cheayney, ny jean dobberan erbee son ny merriu, kiangle ort coamrey dty chione, as cur dty vraagyn er dty chassyn, as ny coodee dty veillyn, as ny ee arran ny trimshee.

Ezekiel 24:23

As nee shiu nyn ghing y choamrey, as bee nyn mraagyn er nyn gassyn; cha jean shiu dobberan ny keayney, agh nee shiu shymley ersooyl son nyn mee-chraueeaght, as dobberan y derrey yeh gys y jeh elley.

Ezekiel 44:18

As bee bonnettyn aanrit oc er nyn ghing, as breechyn aanrit mysh nyn meeghyn: cha der ad moo red erbee ta jannoo ollish.

Daniel 5:20

Agh tra va e chree er n’att lesh moyrn, as e aigney er ny chreoghey ayns mooaralys, v’eh currit neose veih e stoyl-reeoil, as ghow ad e ghloyr voish:

Jonah 3:6

Son haink y goo gys ree Nineveh, as dirree eh veih e stoyl-reeoil, as hug eh jeh e choamrey reeoil, as choodee eh eh-hene lesh aanrit-sack, as lhie eh ’sy leoie.

Noo Mian 18:4

Quoi-erbee er-y-fa shen, nee eh-hene y injillaghey myr y lhiannoo beg shoh, eh syrjey vees ayns reeriaght niau.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.

1 Peddyr 5:6

Jean-jee shiu hene er-y-fa shen y injillaghey fo laue niartal Yee, dy vod eh shiu y hroggal seose ayns traa cooie;