Jeremiah 13:16 - Yn Vible Casherick 1775 1819

¹⁶ Cur-jee gloyr da’n Chiarn nyn Yee, roish my der eh dorraghys, as roish my nee ny cassyn eu snapperal er ny sleityn dorraghey, as choud’s ta shiu jeeaghyn son soilshey, dy jyndaa eh shen gys scadoo yn vaaish, as dy bee eh er ny chaghlaa gys dorraghys dullyr.

Jeremiah 13:16 ပူးပေါင်းရင်းမြစ်များ

Lioar Yob 3:5

Lhig da neeal y dorraghys as scadoo’n vaaish ve er; lhig da bodjal lhie er; lhig da dooid y laa jannoo eh atchimagh.

Psalmyn 107:10

Lheid as ta ny hoie ayns dorraghys, as ayns scadoo yn vaaish: kianlt dy shickyr ayns treihys as geulaghyn yiarn.

Psalmyn 107:14

Hug eh lesh ad magh ass dorraghys, as scadoo yn vaaish: as vrish eh ny kianglaghyn oc veih-my-cheilley.

Psalmyn 29:2

Cur-jee da’n Chiarn yn gloyr ta cooie da’n Ennym echey: cur-jee ooashley da’n Chiarn lesh ammys crauee.

Psalmyn 44:19

Cha vel nyn gree er choyrt cooyl rhyt: chamoo ta ny kesmadyn ain er gholl ass dty raad;

Exodus 10:21

As dooyrt y Chiarn rish Moses, Sheeyn magh dty laue lesh niau, dy vod dorraghys ’ve harrish cheer Egypt, eer dorraghys dullyr oddys v’er ny ennaghtyn.

Raaghyn Creeney 4:19

Ta raad ny mee-chrauee myr y dorraghys; cha nhione daue cre roish t’ad dy snapperal.

Ecclesiastes 11:8

Agh ga dy vel dooinney er cheau ymmodee bleeantyn, as er ghoaill boggey ayndoo ooilley: ny-yeih, lhig da smooinaghtyn er laghyn y dorraghys, son bee ad ymmodee. Son ooilley ta ry-heet, cha vel eh agh fardail.

Isaiah 5:30

As ayns y laa shen nee ad buirroogh nyn ’oï, myr freaney ny marrey; as my yeeaghys fer stiagh ’sy cheer, ver eh my-ner dorraghys as trimshey; as ta’n soilshey er ny hyndaa gys dorraghys ayns yn aer er-y-skyn.

Isaiah 59:10

Myr ny doail ta shin rasey son y voall, ta shin rasey myr nagh beagh sooillyn ain: ta shin snapperal ec y vun-laa myr ayns yn oie; ta shin ayns buill fadane myr deiney marroo.

Isaiah 59:9

Shen-y-fa ta briwnys foddey voïn, chamoo ta cairys roshtyn orrin: ta shin farkiaght son soilshey, agh cur-my-ner dorraghys; son sollyssid, agh ta shin gimmeeaght ayns dullyr.

Isaiah 60:2

Son cur-my-ner, nee dorraghys coodaghey yn thalloo, as dullyr dowin y pobble: agh nee yn Chiarn soilshean ort, as bee e ghloyr er ny akin ort.

Isaiah 8:22

As nee ad jeeaghyn er y thalloo; as cur-my-ner seaghyn as dorraghys, dooid dy angaish; as bee ad er nyn imman gys dorraghys.

Jeremiah 14:19

Vel oo dy bollagh er hreigeil Judah? vel Zion dwoaie dty annym? cre’n-fa t’ou er woalley shin, as nagh vel saase nyn gour? va shin jerkal son shee, as cha vel veg y vie; as son earish slayntoil, as cur-my-ner seaghyn!

Jeremiah 2:6

Chamoo t’ad er ghra, Cre vel y Chiarn hug lesh shin seose ass cheer Egypt, ren leeideil shin trooid yn aasagh; trooid cheer reeastaneagh, as ooiganagh; trooid cheer fowan-loshtee, as scadoo yn vaaish; cheer nagh jagh dooinney rieau ny hrooid, as raad nagh row dooinney erbee cummal?

Jeremiah 23:12

Shen-y-fa bee’n immeeaght oc myr raaidyn shliawney ’sy dorraghys; bee ad immanit er nyn doshiaght, as tuittee ad ayn: son ver-ym lhiam yn olk orroo, eer bleïn nyn gerraghey, ta’n Chiarn dy ghra.

Jeremiah 4:23

Yeeagh mee er y thalloo, as cur-my-ner, ve gyn cummey as feayn; as er ny niaughyn, as cha row veg y toilshey ayndoo.

Jeremiah 50:6

Ta my phobble er ve kirree cailjey; ta ny bochillyn oc er lhiggey daue goll er-shaghryn, t’ad er hyndaa ad ass y raad er ny sleityn: t’ad er n’gholl veih slieau gys cronk, t’ad er yarrood nyn aber hene.

Jeremiah 6:21

Shen-y-fa myr shoh ta’n Chiarn dy ghra, Cur-my-ner, neem’s kiapyn snapperal y hoiaghey ayns raad y phobble shoh, as nee ny ayraghyn as ny mec dy cheilley tuittym lioroo; nee’n naboo as e charrey cherraghtyn.

Jeremiah 8:15

Va shin jeeaghyn son shee, agh cha daink mie erbee orrin; as son earish dy hauchys, as cur-my-ner seaghyn!

Dobberan 4:17

Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Ezekiel 21:15

Ta mee er hoiaghey baare y chliwe noi ooilley nyn yiattyn, dy chur er nyn gree ve faiynt, as nyn dhieyn ayns ymmodee tholtanyn: aless, te er ny yannoo sollys, te shleeuit cour stroie.

Ezekiel 34:12

Myr ta bochilley shirrey magh e hioltane, er y laa t’eh mastey e chirree t’er nyn skeayley; myr shen neem’s shirrey magh my chirree, as livrey-ym ad veih dy chooilley voayl, raad t’ad er ve er nyn skeayley ’sy laa bodjallagh as dorraghey.

Ezekiel 36:15

Chamoo ver-yms er sleih clashtyn aynyd nearey ny ashoonee ny-sodjey, chamoo nee oo arragh gymmyrkey oltooan y phobble, chamoo ver oo er dty heelogheyn hene dy huittym arragh, ta’n Chiarn Jee dy ghra.

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Amos 5:18

Smerg diuish ta geearree laa yn Chiarn! cre’n vondeish te diu? ta laa yn Chiarn dorraghys, as cha nee soilshey.

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill-jee choud as ta’n soilshey eu, er-aggle dy jig y dorraghys erriu: son cha vel fys echeysyn ta shooyl ayns y dorraghys c’raad t’eh goll.

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee-viallagh, gys shen v’ad myrgeddin er nyn bointeil.

1 Samuel 6:5

Shen-y-fa nee shiu cummey ’yannoo goll-rish ny pileyn, as caslys jeh ny loaghee ta cur mow yn thalloo; as ver shiu gloyr da Jee Israel: foddee dy jean eh scughey e laue veue, as veih ny jeeghyn eu, as veih’n cheer eu.