Jeremiah 13:11 - Yn Vible Casherick 1775 1819

¹¹ Son myr ta’n cryss er ny hionney mysh corp dooinney, myr shen hug mee er slane thie Israel, as slane thie Yudah, dy ve er ny hionney hym’s, ta’n Chiarn dy ghra; dy ve dooys son pobble, as son ennym, as son moylley, as son gloyr: agh cha n’eaishtagh ad rhym.

Jeremiah 13:11 ပူးပေါင်းရင်းမြစ်များ

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 147:20

Cha vel eh er ghellal myr shoh rish ashoon erbee elley: chamoo t’ec ny ashoonee tushtey jeh e leighyn.

Psalmyn 81:11

Mish y Chiarn dty Yee, hug lhiam uss magh ass thalloo Egypt: foshil dty veeal dy lhean, as lhieen-ym eh.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 62:12

As bee ad enmyssit Yn pobble casherick, Cloan chionnit y Chiarn: as bee uss enmyssit Ennoil, Yn ard-valley nagh vel treigit.

Jeremiah 13:1

Myr shoh ta’n Chiarn dy ghra rhym, Gow royd as fow dhyt hene cryss aanrit, as cur mish dty vean eh, as ny cur eh ayns ushtey.

Jeremiah 13:10

Bee yn pobble mee-chrauee shoh, ta gobbal dy eaishtagh rish my ghoan, ta gimmeeaght ayns roonid nyn gree hene, as geiyrt er jeeghyn elley dy hirveish ad, as dy chur ooashley daue, bee ad eer myr y cryss shoh, nagh nieeagh veg.

Jeremiah 13:12

Shen-y-fa nee oo loayrt roo ny goan shoh, Myr shoh ta’n Chiarn Jee Israel dy ghra, Bee dy chooilley voteil er ny lhieeney lesh feeyn; as jir adsyn rhyt, Nagh vel fys ain hene son shickyrys dy bee dy chooilley voteil er ny lhieeney lesh feeyn?

Jeremiah 19:15

Myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam er yn ard-valley shoh, as er ooilley e baljyn, ooilley yn olk ta mee er n’ockley magh noi eck; er-yn-oyr dy vel ad er chreoghey nyn mwannal noi geaishtagh rish my ghoan’s.

Jeremiah 32:20

T’ou er hoilshaghey cowraghyn as yindyssyn ayns cheer Egypt, as ayns Israel, as ayns ashoonyn elley, as gys y laa t’ayn jiu t’ou er n’yannoo ennym ooasle dhyt hene;

Jeremiah 33:9

As bee eh dooys ennym dy voggey, moylley as ooashley mastey ooilley ashoonyn y thallooin, nee clashtyn jeh ooilley my vieys ta mish dy yannoo daue: as gowee ad aggle, as bee ad er-creau, son ooilley ny bannaghtyn, as ooilley yn vaynrys, ta mee dy chosney daue.

Jeremiah 6:17

Myrgeddin hoie mee arreyderyn erriu, gra, Eaisht-jee rish feiyr y trumpet. Agh dooyrt ad, Cha jean mayd geaishtagh.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Jeremiah 7:26

Ny-yeih cha n’eaishtagh ad rhym, ny croymmey nyn gleaysh, agh ren ad nyn mwannal y chreoghey: ren ad ny smessey na nyn ayraghyn.

Amos 3:1

Eaisht-jee rish goo yn vriwnys shoh, ta yn Chiarn er loayrt nyn ’oï, O chloan Israel, noi yn slane lught-thie shen, hug mee lhiam seose veih thalloo Egypt, gra,

Noo Luke 10:11

Eer joan yn ard-valley eu, ta lhiantyn hooin, ta shin dy chraa j’in nyn ’oï eu: ny-yeih, bee-jee shickyr jeh shoh, dy vel reeriaght Yee er jeet er-gerrey diu.

Deuteronomy 26:18

As ta’n Chiarn er ghoaill rhyt’s jiu, dy ve yn pobble reiht echey hene, myr yiall eh dhyt, as dy vreillagh oo ooilley e oardaghyn:

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.

Deuteronomy 4:7

Son cre’n ashoon ta cha ooasle, ta jee oc cha faggys daue, as ta’n Chiarn y Jee ain dooinyn, ayns dy chooilley nhee, ta shin jannoo aghin er y hon?

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: