Jeremiah 13:10 - Yn Vible Casherick 1775 1819

¹⁰ Bee yn pobble mee-chrauee shoh, ta gobbal dy eaishtagh rish my ghoan, ta gimmeeaght ayns roonid nyn gree hene, as geiyrt er jeeghyn elley dy hirveish ad, as dy chur ooashley daue, bee ad eer myr y cryss shoh, nagh nieeagh veg.

Jeremiah 13:10 ပူးပေါင်းရင်းမြစ်များ

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Isaiah 3:24

As hig eh gy-kione, ayns ynnyd soar millish, dy bee breinnid; as ayns ynnyd cryss aalin, frytlagyn; as ayns ynnyd folt soit magh dy stoamey, vees meaylid; as ayns ynnyd stomacher, aanrit-sack; as ayns ynnyd aalid eddin, lostey greïney.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 11:18

As hug y Chiarn dou toiggal jeh shoh, as ta fys aym er: eisht hoilshee oo dou nyn obbraghyn.

Jeremiah 13:7

Eisht hie mee gys Euphrates, as chleiy mee, as ghow mee yn cryss veih’n boayl raad dollee mee eh; as cur-my-ner, va’n cryss loau, cha beeagh eh veg.

Jeremiah 16:12

As ta shiuish er n’yannoo ny smessey na nyn ayraghyn; son cur-my-ner, ta shiu gimmeeaght dy chooilley ghooinney lurg roonid e chree mee-chrauee hene, nagh n’eaisht ad rhym’s;

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 20:4

Son myr shoh ta’n Chiarn dy ghra, Cur-my-ner, neem’s uss y yannoo dty atchim dhyt hene, as da ooilley dty chaarjyn, as tuittee ad liorish cliwe nyn noidyn, as ver dty hooillyn my-ner eh: as livrey-ym ooilley Judah gys laue ree Vabylon, as ver eh lesh ad ayns cappeeys gys Babylon, as stroie-ee eh ad lesh y chliwe.

Jeremiah 22:21

Loayr mee rhyt ayns dty vaynrys: agh dooyrt oo, Cha jean-ym geaishtagh: shoh va dty chliaghtey veih dty aegid, nagh dug oo biallys da my choraa.

Jeremiah 23:17

T’ad dy kinjagh gra roosyn ta soiaghey beg jeem’s, Ta’n Chiarn dy ghra, Bee shee eu; as rish dy chooilley unnane ta gimmeeaght lurg smooinaghtyn e chree hene t’ad gra, Cha jig olk erbee erriu.

Jeremiah 3:17

Ec y traa shen nee ad genmys Jerusalem stoyl-reeoil y Chiarn; as bee dy chooilley ashoon er ny haglym stiagh ayn, gys ennym y Chiarn, ayns Jerusalem: chamoo nee ad geiyrt ny-sodjey lurg smooinaghtyn yn chree roonagh oc hene.

Jeremiah 35:15

Ta mee er choyrt hiu myrgeddin ooilley my harvaantyn ny phadeyryn, girree dy moghey as dy choyrt ad, gra, Chyndaa-jee nish dy chooilley ghooinney veih e ghrogh raad, as lhiassee-jee nyn raaidyn, as ny eiyr-jee er jeeghyn joarree dy hirveish ad, as nee shiu cummal ayns y cheer ta mish er choyrt diu hene, as da nyn ayraghyn; agh cha vel shiu er chroymmey nyn gleaysh, ny er n’eaishtagh rhym’s.

Jeremiah 44:16

Son ny goan t’ou er ghoaill ort dy loayrt rooin ayns ennym y Chiarn, cha n’eaisht mayd rhyt.

Jeremiah 44:5

Agh cha ren ad geaishtagh, ny croymmey nyn gleaysh dy hyndaa veih nyn olk, gyn dy lostey incense gys jeeghyn elley.

Jeremiah 5:23

Agh ta ec y pobble shoh cree roonagh as mee-viallagh; t’ad er hyndaa cooyl, as er n’gholl roue.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Jeremiah 7:6

Mannagh jean shiu tranlaase er y joarree, yn lhiannoo gyn ayr, as y ven-treoghe, as nagh deayrt shiu fuill gyn-loght ’sy voayl shoh, chamoo nagh n’eiyr shiu er jeeghyn elley gys yn assee eu hene:

Jeremiah 8:5

Cre’n-fa eisht ta pobble Yerusalem er chooyl-skyrraghtyn voym’s foddey as kinjagh? t’ad greimmey chion er molteyrys, t’ad gobbal dy hyndaa.

Jeremiah 9:13

As ta’n Chiarn dy ghra, Er-yn-oyr dy vel ad er hreigeil my leigh’s ren mee soiaghey kiongoyrt roo, as nagh vel ad er choyrt biallys da my choraa, chamoo t’ad er n’immeeaght ayn;

Jeremiah 9:14

Agh t’ad er n’eiyrt er smooinaghtyn nyn greeaghyn hene, as er Baalim, myr dynsee nyn ayraghyn daue:

Jeremiah 9:6

Ta dt’ynnyd-vaghee ayns mean molteyrys; trooid molteyrys t’ad gobbal dy chur enney orrym, ta’n Chiarn dy ghra.

Earrooyn 14:11

As dooyrt y Chiarn rish Moses, Caïd nee’n pobble shoh mish y vrasnaghey? as caïd vees eh, nagh jean ad m’y chredjal, son ooilley ny cowraghyn ta mee er hoilshaghey ny mast’ oc?

Jannoo 7:51

Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau: