Jeremiah 12:9 - Yn Vible Casherick 1775 1819

⁹ Ta my eiraght dooys myr yn hullad spottagh; ta ny eeanlee ooilley mygeayrt ec noidys r’ee; tar-jee, chaggle-jee ooilley beïyn y vagher, tar-jee dy stroie.

Jeremiah 12:9 ပူးပေါင်းရင်းမြစ်များ

2 Reeaghyn 24:2

As hug y Chiarn magh n’oï sheshaghtyn-caggee jeh ny Caldeanee, as sheshaghtyn jeh ny Syrianee, as jeh ny Moabiteyn, as jeh cloan Ammon, as hug eh ad noi Judah dy stroie eh, cordail rish goo yn Chiarn, ren eh loayrt liorish e harvaantyn ny phadeyryn.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 2:12

Son bee laa Chiarn ny flaunyssee er dagh unnane ta moyrnagh as mooaralagh, as er dagh unnane ta ard-chreeagh, as bee eh er ny injillaghey;

Isaiah 56:9

Ooilley shiuish vaase y vagheragh, tar-jee dy stroie, dy jarroo, ooilley shiuish veiyn ny keylley.

Jeremiah 15:3

As ver-yms kiare briwnyssyn magh orroo, ta’n Chiarn dy ghra; yn cliwe dy varroo, as ny moddee dy raipey, as eeanlee’n aer, as beishtyn yn ooir, dy chur mow as dy yannoo jeeill.

Jeremiah 2:15

Ren ny lionyn aegey garveigagh n’oï as gullyrnee, as hug ad yn cheer echey naardey: ta ny ard-valjyn echey losht, as gyn cummaltagh.

Jeremiah 34:20

Ver-yms ad dy feer gys laue nyn noidyn, as gys y laue ocsyn ren shirrey nyn mioys; as bee ny callinyn oc son beaghey da eeanlee yn aer, as da beishtyn y thallooin.

Jeremiah 7:33

As bee callinyn y phobble shoh son beaghey da eeanlee’n aer, as son beishtyn y thallooin; as cha jean unnane erbee ad y agglagh ersooyl.

Dobberan 1:17

Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Ezekiel 34:5

As v’ad er nyn skeayley son nagh row bochilley oc: as haink ad dy ve bee son ooilley beishtyn y vagheragh, tra v’ad er nyn skeayley.

Ashlish 17:16

As ver ny jeih eairkyn honnick oo er y veisht, dwoaie da’n streebagh, as ver ad mow ee, as rooishtee ad ee, as nee ad gee yn eill eck, as loshtee ad ee lesh aile.