Jeremiah 12:7 - Yn Vible Casherick 1775 1819

⁷ Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 12:7 ပူးပေါင်းရင်းမြစ်များ

2 Reeaghyn 21:14

As treig-ym fooilliagh my eiraght, as livrey-ym ad gys laue nyn noidyn; as hig ad dy ve son cragh as spooilley da ooilley nyn noidyn;

Psalmyn 106:40

As livrey eh ad harrish gys laue ny ashoonyn: as v’adsyn va dwoaie oc orroo ny hiarnyn harrystoo.

Psalmyn 78:62

Livrey eh yn phooar oc harrish gys cappeeys: as yn aalid oc gys laue yn noid.

Isaiah 2:6

Shen-y-fa t’ou er hreigeil dty phobble thie Yacob, son dy vel ad er vishaghey [ayns obbeeys] veih’n niar, as dy vel ad fir-faishnee myr ny Philistinee, as t’ad goaill taitnys ayns cloan yoarree.

Jeremiah 11:15

Cre t’ec my ghraih’s dy yannoo ayns my hie, fakin dy vel ee er n’yannoo maarderys rish ymmodee, as ta’n eill chasherick goit voïd; t’ou goaill boggey ayns jannoo dy olk.

Jeremiah 14:19

Vel oo dy bollagh er hreigeil Judah? vel Zion dwoaie dty annym? cre’n-fa t’ou er woalley shin, as nagh vel saase nyn gour? va shin jerkal son shee, as cha vel veg y vie; as son earish slayntoil, as cur-my-ner seaghyn!

Jeremiah 17:4

As bee uss, dy jarroo oo hene, freilt magh ass dty eiraght hug mee dhyt; as ver-ym ort dy hirveish dty noidyn ayns cheer nagh nhione dhyt: son ta shiu er voaddey aile ayns my yymmoose, nee lostey son dy bragh.

Jeremiah 22:5

Agh mannagh n’eaisht shiu rish ny goan shoh, Ta mee breearrey liorym pene, ta’n Chiarn dy ghra, dy bee’n thie shoh ny hraartys.

Jeremiah 23:33

As tra nee’n pobble shoh, ny yn phadeyr, ny saggyrt, fênaght jeed, gra, Cre ta errey yn Chiarn? eisht jir uss roo, Cre’n errey? Neem’s eer shiu y hreigeil, ta’n Chiarn dy ghra.

Jeremiah 23:39

Shen-y-fa, cur-jee my-ner, neem’s, dy jarroo neem’s, shiuish y ghoaill ersooyl myr errey, as nee’m shiu y hreigeil, shiu hene, as yn ard-valley hug mee diuish as da nyn ayraghyn, as ver-yms shiu ass my hilley:

Jeremiah 51:5

Son cha vel Israel dy slane treigit, ny Judah, liorish e Yee, Chiarn ny flaunyssee; ga dy row yn cheer oc lhieent lesh peccah noi Fer-casherick Israel.

Jeremiah 7:14

Neem’s jannoo rish y thie shoh ta enmyssit lurg my ennym’s, er ta shiu cur nyn marrant, as rish y voayl hug mee diuish, as da nyn ayraghyn, myr ren mee rish Shiloh.

Jeremiah 7:29

Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Hosea 11:1

Tra va Israel ny lhiannoo, eisht bynney lhiam eh, as deïe mee er my vac ass Egypt.

Hosea 9:15

As ooilley nyn olkys ayns Gilgal: son shen y raad hug mee dwoaie daue: son olkys nyn ghrogh-yannoo eiyr-yms ad ass my hie, cha der-ym graih daue ny-sodjey: ta ooilley nyn reiltee mee-viallee.

Joel 2:15

Sheid-jee yn trumpet ayns Zion, oardee-jee trostey casherick, cur-jee eam son ard-feailley.

Joel 3:2

Neem’s myrgeddin chaglym dy chooilley ashoon, as ver-yms lhiam sheese ad gys coan Yehoshaphat, as neem’s pleadeil roo ayns shen, son my phobble, as son my eiraght Israel, t’ad er skeayley mastey ny ashoonyn, as t’ad er rheynn my heer.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Deuteronomy 33:12

As mychione Benjamin dooyrt eh, Nee eshyn shynney lesh y Chiarn cummal dy sauchey liorish; as nee’n Chiarn eshyn y choodaghey fey-ny-laa, as fendeil eh eddyr e gheayltyn.