Jeremiah 12:6 - Yn Vible Casherick 1775 1819

⁶ Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Jeremiah 12:6 ပူးပေါင်းရင်းမြစ်များ

Lioar Yob 6:15

Ta my chaarjyn er ghellal dy molteyragh myr awin, as myr ny strooanyn t’ad lheïe ersooyl;

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 12:3

Ver y Chiarn mow ooilley ny meillyn molteyragh: as y chengey ta loayrt goan mooaralagh;

Psalmyn 69:8

Ta mee myr dooinney joarree da my vraaraghyn: dy jarroo myr fer quaagh da cloan my vayrey.

Raaghyn Creeney 23:8

Yn greme t’ou er n’ee, nee oo tilgey, as caillee oo dty ghlare aalin.

Raaghyn Creeney 26:25

Tra t’eh coyrt glare aalin, ny cred eh: son ta olkys shiaght-filley ayns e chree.

Isaiah 31:4

Son shoh myr ta’n Chiarn er loayrt rhym, Casley rish y lion, as y lion aeg buirroogh er e chragh, tra ta ymmodee bochillyn eït magh n’oï, cha bee aggle er roish yn coraa oc, chamoo ver eh cooyl ec yn yllagh oc: myr shen hig Chiarn ny flaunyssee neose, dy chaggey son cronk Zion, as son y slieau eck.

Jeremiah 11:19

Agh va mish goll-rish eayn ny dow t’er ny chur lesh dy ve er ny varroo; as cha row fys aym dy row ad er ghoaill drogh-choyrle m’oï, gra, Lhig dooin yn billey y stroie marish e vess, as lhig dooin eh y yiarey jeh veih cheer ny bioee, nagh bee yn ennym echey ny-sodjey ayns cooinaghtyn.

Jeremiah 11:21

Shen-y-fa myr shoh ta’n Chiarn dy ghra mychione deiney Anathoth, ta shêgin er dty vioys, gra, Ny jean phadeyrys ayns ennym y Chiarn, er-aggle dy jed oo er stroie liorish ny laueyn ainyn:

Jeremiah 20:10

Son cheayll mee ymmodee dy my oltooan, lesh Magor-missabib: Cur magh yn goo, as adsyn, as ver mayd mygeayrt eh. Va ooilley my chaarjyn foalsey as sooill oc er my raaidyn, gra, Hoiggal dy jig miolagh ny raad, as dy vow mayd yn varriaght er, as slane cooilleeney nyn aigney.

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:4

Cur-jee twoaie, dagh unnane jeh e naboo, as ny cur-jee nyn dreisht ayns braar erbee: son nee dagh braar cleiy-fo braar, as nee dy chooilley naboo troggal scammyltyn.

Jeremiah 9:5

As nee dagh unnane e naboo y volley, as cha loayree ad yn irriney: t’ad er chliaghtey nyn jengey gys breagyn, as t’ad deinagh ayns jannoo olk.

Noo Mian 10:21

As livreyee braar seose e vraar gys baase, as yn ayr e lhiannoo: as nee cloan girree magh noi nyn ayr as nyn moir, as bee ad feanishyn baaish orroo.

Noo Mark 12:12

As v’ad shêgin er goaill eh, agh v’ad ayns aggle roish y pobble; son va fys oc dy row eh er loayrt yn coraa-dorraghey noi ad-hene: as daag ad eh, as hie ad rhymboo.

Noo Ean 7:5

Son chamoo ren e vraaraghyn hene credjal ayn.

Jannoo 16:22

As dirree yn pobble magh nyn ’oï: as raip ny fir-reill nyn eaddagh jeu, as doardee ad ad dy ve scuitchit.

Jannoo 18:12

As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys,