Jeremiah 12:5 - Yn Vible Casherick 1775 1819

⁵ My t’ou er roie rish coshee, as t’ad er n’yannoo skee jeed, kys eisht oddys oo cummal magh rish cabbil? as my t’ou tooillit oc ’sy thalloo sheaynt, raad va dty haitnys, eisht cre nee oo ayns thooillaghyn Yordan?

Jeremiah 12:5 ပူးပေါင်းရင်းမြစ်များ

1 Recortyssyn 12:15

Shoh adsyn hie harrish Jordan ayns y chied vee, tra va’n thooilley er lhieeney harrish ooilley e brooinyn; as deiyr ad ersooyl ooilley cummaltee ny coanyn, chammah shiar as sheear.

Psalmyn 42:7

Cur dty hreishteil ayns Jee: son ver-yms foast booise da son cooney e eddin.

Raaghyn Creeney 24:10

My lhiggys oo dty chree voïd ayns laa dy heaghyn, s’beg ta dty niart.

Raaghyn Creeney 3:11

My vac, ny jean uss beg y hoiaghey jeh smaght y Chiarn: as ny bee neu-hurransagh fo’n kerraghey echeysyn.

Jeremiah 11:21

Shen-y-fa myr shoh ta’n Chiarn dy ghra mychione deiney Anathoth, ta shêgin er dty vioys, gra, Ny jean phadeyrys ayns ennym y Chiarn, er-aggle dy jed oo er stroie liorish ny laueyn ainyn:

Jeremiah 26:8

Nish haink eh gy-kione, erreish da Jeremiah v’er loayrt ooilley ny va’n Chiarn er n’oardaghey da dy loayrt rish ooilley’n pobble, dy ren ny saggyrtyn, as ny phadeyryn, as ooilley’n pobble, eh y ghreimmey, gra, Bee oo son shickyrys er dty choyrt gy-baase.

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Jeremiah 49:19

Cur-my-ner, hig eh seose myr lion veih brooinyn Yordan noi ynnyd-vaghee yn treanagh: agh ver-yms er dy leah cur cooyl r’ee; as quoi ta’n reih dooinney dunnal dooys dy endeil ee? son quoi ta casley rhym’s? as quoi nee pointeil traa dou? as quoi yn bochilley shen nee shassoo roym?

Jeremiah 50:44

Cur-my-ner, hig eh seose myr lion veih brooinyn Yordan noi ynnyd-vaghee yn treanagh; agh ver-yms orroo dy leah cur cooyl; as quoi ta’n reih dooinney dunnal dy endeil ee m’oï’s? son quoi ta casley rhym? as quoi s’loys da m’y ghreinnaghey? ny quoi yn bochilley shen oddys shassoo roym?

Joshua 3:15

As myr v’adsyn va gymmyrkey yn arg er jeet gys Jordan, as dy goan va cassyn ny saggyrtyn va gymmyrkey yn arg er roshtyn gys oirr ny hawin, (son ta Jordan gatt harrish ooilley e vrooinyn slane imbagh ny fouyr),

1 Peddyr 4:12

Chaarjyn ghraihagh, ny gow-jee yindys mychione y trial aileagh ta ry-hoi prowal shiu, myr dy beagh red ennagh joarree er daghyrt diu: