Jeremiah 12:4 - Yn Vible Casherick 1775 1819

⁴ Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 12:4 ပူးပေါင်းရင်းမြစ်များ

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 50:21

Ny reddyn shoh t’ou er n’yannoo, as chum mish my hengey; as heill oo dy olkyssagh dy row mish eer dty lheid hene: agh ver-yms oghsan dhyt, as soie-ym kiongoyrt rhyt ny reddyn t’ou er n’yannoo.

Isaiah 24:4

Ta’n cheer dobberan as shymley ersooyl; ta’n seihll gannooinaghey, as lheïe ersooyl; ta mooaralee mooar y theihll ayns doogh-treihys.

Isaiah 24:6

Shen-y-fa ta’n mollaght er stroie yn cheer, as ta e chummaltee currit mow: shen-y-fa ta fir-vaghee ny hooirey losht, as beggan deiney faagit.

Jeremiah 12:11

T’ad er n’yannoo eh follym-faase, as nish te ny hraartys te gaccan hym; ta’n slane cheer er ny choyrt naardey, er-yn-oyr nagh vel dooinney erbee dy ghoaill shoh gys e chree.

Jeremiah 14:2

Ta Judah dobberan, as ny giattyn eck goll naardey; t’ad doogh er y thalloo, as ta eam Yerusalem er droggal.

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 4:25

Yeeagh mee, as cur-my-ner, cha row dooinney ry-akin, as va ooilley eeanlee’n aer er n’etlagh roue.

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Jeremiah 5:13

As bee ny phadeyryn myr geay, as cha vel y goo ayndoo: myr shoh vees jeant roosyn.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:9

Nagh jean-yms ad y smaghtaghey son ny peccaghyn shoh? ta’n Chiarn dy ghra: nagh jean m’annym’s cooilleeney y ghoaill er lheid yn ashoon shoh?

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.

Joel 1:18

Kys ta ny beïyn garveigagh! ta ny shellooyn ollagh seaghnit, son nagh vel aber oc: dy jarroo ta ny shioltaneyn keyrragh shymley ersooyl.

Amos 1:2

As dooyrt eh, Nee yn Chiarn freaney veih Zion, as fockley-magh e choraa veih Jerusalem: as nee ynnydyn-vaghee ny bochillyn dobberan, as nee mullagh Charmel fioghey.

Habakkuk 3:17

Ga nagh der y billey-figgagh magh e vlaa, as nagh bee mess er ny biljyn-feeyney; dy jean foast yn billey-olive failleil, as nagh jean ny magheryn gymmyrkey beaghey: dy bee yn chioltane giarit jeh veih’n woaillee, as nagh bee dew ayns ny bwaneyn:

Zechariah 1:12

Eisht dreggyr ainle y Chiarn, as dooyrt eh, O Hiarn ny flaunyssee, caïd nagh jean oo soilshaghey myghin er Jerusalem, as er ard-valjyn Yudah, nyn ’oï t’ou er ve nish jymmoosagh, son three-feed bleïn as jeih?

Romanee 8:22

Son ta fys ain dy vel yn slane seihll geamagh magh, as myr ayns pianyn troailt cooidjagh derrey nish: