Jeremiah 12:3 - Yn Vible Casherick 1775 1819

³ Agh shione dhyt mish, O Hiarn; t’ou er m’akin, as er phrowal my chree dhyt hene: eiyr magh ad myr kirree ta kiarit dy baase, as cur dy lhiattee ad cour y laa t’ad dy gholl er stroie.

Jeremiah 12:3 ပူးပေါင်းရင်းမြစ်များ

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Lioar Yob 23:10

Agh shione dasyn my ymmyrkey: tra t’eh er my phrowal, hig-ym magh myr airh.

Psalmyn 11:5

Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Psalmyn 139:23

Prow mee, O Yee, as ronsee grunt my chree: jean m’y hirrey magh, as feysht my smooinaghtyn.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Jeremiah 17:16

Er my hon’s, cha row mee ayns siyr dy ghoaill orrym currym y chaghteraght shoh; chamoo ta mee er yeearree son y laa seaghnagh, myr shione dhyt: va shen haink ass my veillyn jeeragh kiongoyrt rhyt’s.

Jeremiah 17:18

Lhig dauesyn ve craghit ta jannoo tranlaase orrym, agh ny lhig dauesyn mish y chraghey; lhig dauesyn ve atchimit, agh ny lhig dooys ve atchimit: cur lhiat orroo yn laa doogh, as stroie ad lesh toyrt-mow ghooble.

Jeremiah 20:12

Agh, O Hiarn ny sheshaghtyn flaunyssagh, ta prowal yn vooinjer chairal, as cur-my-ner ny meeghyn as y cree, lhig dou fakin dty cherraghey trome orroo: son hood’s ta mee er n’osley my chooish.

Jeremiah 48:15

Ta Moab spooillit, as er hreigeil e ard-valjyn, as ta e reih deiney aegey er n’gholl sheese gys y slaughter, ta’n Ree dy ghra, ta enmyssit, Chiarn ny flaunyssee.

Jeremiah 50:27

Marr-jee ooilley ny dew eck; sheese lhieu gys y slaughter: smerg daue! son ta’n laa oc er jeet, earish nyn gerraghey.

Jeremiah 51:4

Myr shoh tuittee ad sheese marroo ayns thalloo ny Caldeanee, as adsyn vees guint dy baase ayns e straïdyn.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Jamys 5:5

Ta shiu er vaghey ayns soaillid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.

2 Peddyr 2:12

Agh ad shoh, myr beïyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu-ghlennid oc hene: