Jeremiah 12:2 - Yn Vible Casherick 1775 1819

² T’ou er hoiaghey ad, as t’ad eer er ghoaill fraue; t’ad gaase; dy jarroo, t’ad gymmyrkey mess: t’ou uss er-gerrey ’sy veeal oc, agh foddey veih nyn gree.

Jeremiah 12:2 ပူးပေါင်းရင်းမြစ်များ

Lioar Yob 24:12

Ta deiney gaccan veih’n ard-valley, as ta’n annym ocsyn ta guint geamagh dy ard; ny-yeih cha vel Jee cur ommijys nyn lieh.

Lioar Yob 5:3

Ta mee er vakin yn drogh ghooinney goaill fraue: agh dy leah honnick mee mollaght er e hie.

Psalmyn 37:35

Treisht uss ayns y Chiarn, as freill yn raad echey, as nee eh uss y vishaghey dy bee eiraght ayd ’sy cheer: tra ta ny mee-chrauee cherraghtyn, nee oo shen y akin.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 3:10

As ny-yeih son ooilley shoh, cha vel y chuyr foalsey eck Judah er hyndaa hym’s lesh e slane cree, agh ayns molteyrys, ta’n Chiarn dy ghra.

Jeremiah 45:4

Myr shoh nee oo gra rish, Shoh ta’n Chiarn dy ghra, Cur-my-ner, shen ny ta mee er droggal nee’m lhieggal, as shen ta mee er hoiaghey astyr-ym ass ny fraueyn, eer yn slane cheer shoh.

Ezekiel 33:31

As t’ad cheet hood’s myr ta sleih cliaghtey cheet, as t’ad kiongoyrt rhyt myr my phobble’s, as t’ad clashtyn dty ghoan, agh cha vel ad cooilleeney ad: son lesh nyn meeal t’ad jeeaghyn lane graih, agh ta’n cree oc goll er-eiyrt nyn sayntyn.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Noo Mian 15:8

Ta’n pobble shoh tayrn er-gerrey dou lesh nyn meeal, as cur ooashley dou lesh nyn meillyn, agh ta’n cree oc foddey voym.

Noo Mark 7:6

Dreggyr eshyn as dooyrt eh roo, S’mie ren Esaias phadeyrys jiuish, chrauee-oalsey, myr te scruit, Ta’n pobble shoh cur ooashley dou lesh nyn meillyn, agh ta’n cree oc foddey voym.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.