Jeremiah 12:1 - Yn Vible Casherick 1775 1819

¹ Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 12:1 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

Ezra 9:15

O Hiarn Yee Israel, t’ou uss cairagh, agh ta shinyn foast er scapail gyn kerraghey, myr te yn laa jiu: cur-my-ner ta shin kiongoyrt rhyt ayns nyn beccaghyn: son cha vod mayd shassoo kiongoyrt rhyt, kyndagh rish shoh.

Nehemiah 9:33

Agh, t’ou uss cairagh ayns ooilley ny t’er duittym orrin: t’ou uss er n’yannoo dy cairagh, agh shinyn dy neu-chairagh.

Lioar Yob 12:6

Ta cabbaneyn ny roosteyryn bishaghey, as t’adsyn ta brasnaghey Jee ayns sauchys; gys ny laueyn oc ta Jee cur stiagh dy palchey.

Lioar Yob 13:3

Shickyr rish yn Ooilley-niartal baillym’s loayrt, as dy phleadeil my chooish fenish Yee.

Lioar Yob 24:12

Ta deiney gaccan veih’n ard-valley, as ta’n annym ocsyn ta guint geamagh dy ard; ny-yeih cha vel Jee cur ommijys nyn lieh.

Lioar Yob 24:23

Ga dy vel eh jeeaghyn er hene dy ve ayns sauchys, as cur e varrant er; ny-yeih ta e hooillyn er nyn raaidyn.

Lioar Yob 8:17

Ta ny fraueyn echey skeayley mysh y charnane, as gaase mastey creggyn.

Psalmyn 116:5

Ta’n Chiarn graysoil as cairal: dy jarroo, ta’n Jee ainyn myghinagh.

Psalmyn 119:137

T’ou uss cairagh, O Hiarn: as ynrick ta dty vriwnyssyn.

Psalmyn 119:75

Ta fys aym, O Hiarn, dy vel dty vriwnyssyn cairagh: as dy vel oo ayns eer ynrickys er choyrt seaghyn orrym.

Psalmyn 145:17

Ta’n Chiarn cairagh ayns ooilley e raaidyn: as casherick ayns ooilley e obbraghyn.

Psalmyn 37:1

Ny bee oo fargagh er coontey ny mee-chrauee: chamoo jean uss troo mysh ny drogh-yantee.

Psalmyn 37:35

Treisht uss ayns y Chiarn, as freill yn raad echey, as nee eh uss y vishaghey dy bee eiraght ayd ’sy cheer: tra ta ny mee-chrauee cherraghtyn, nee oo shen y akin.

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 92:7

Tra ta’n vee-chrauee glass myr y faiyr, as tra t’adsyn ooilley ta gobbraghey olkys bishaghey: eisht bee ad er nyn stroie son dy bragh: agh uss, Hiarn, yn Fer smoo syrjey son dy bragh.

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Ecclesiastes 8:14

Ta fardail sodjey ry-akin ’sy theihll, dy vel deiney cairal ayn, daue te taghyrt cordail rish obbyr ny mee-chrauee: reesht ta drogh-sleih ayn, daue te taghyrt cordail rish obbyr y vooinjer ynrick: dooyrt mee, Ta shoh myrgeddin fardail.

Isaiah 41:21

Jean-jee nyn gooish y hoilshaghey, ta’n Chiarn dy ghra; cur-jee roïn nyn resoonyn lajer, ta Ree Yacob dy ghra.

Isaiah 48:8

Dy jarroo, cha ren oo clashtyn, chamoo ren oo toiggal; eer veih’n traa shen cha row dty chleaysh foshlit: son va fys aym’s dy jinnagh oo dellal dy feer volteyragh, as dy r’ou enmyssit dty ghrogh-yantagh veih’n vreïn.

Jeremiah 11:20

Agh, O Hiarn ny sheshaghtyn flaunyssagh, ta cur briwnys cairagh, ta prowal ny meeghyn as y cree, lhig dou fakin dty cherraghey orroo; son hood’s ta mee er hoilshaghey my chooish.

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Jeremiah 3:20

Son shickyrys myr ta ben-phoost dy foalsey treigeil e sheshey, myr shen ta shiuish er ghellal dy foalsey rhym’s, O hie Israel, ta’n Chiarn dy ghra.

Jeremiah 3:7

As dooyrt mee, lurg j’ee v’er n’yannoo ooilley ny reddyn shoh, Chyndaa uss hym’s: agh cha ren ee chyndaa: as honnick yn chuyr foalsey eck Judah shoh.

Jeremiah 32:16

Nish tra va mee er livrey yn bargane-kionnee da Baruch mac Neriah, ghow mee padjer gys y Chiarn, gra,

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Ezekiel 18:25

Ny-yeih, ta shiu gra, Cha vel raad y Chiarn corrym-kiart. Clasht nish, O hie Israel, nagh vel my raad’s corrym-kiart? nagh vel ny raaidyn euish neu-chorrym?

Daniel 9:14

Shen-y-fa va sooill ec y Chiarn gys yn olk, as t’eh er choyrt lesh orrin eh: son ta’n Chiarn y Jee ain cairal ayns ooilley e obbraghyn t’eh dy yannoo: son cha dug shin biallys da e choraa.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.

Hosea 6:7

Agh t’adsyn myr deiney t’er vrishey yn conaant: ayns shen t’ad er ghellal dy molteyragh rhym.

Habakkuk 1:4

Shen-y-fa ta’n leigh er ny lhaggaghey, as cha vel briwnys goll magh lesh bree: son ta ny mee-chrauee jannoo tranlaase er y vooinjer chairal: shen-y-fa ta briwnys aggairagh goaill niart.

Zephaniah 3:5

Ta’n Chiarn cairal ayns y vean eck; cha jean eshyn dy aggairagh: moghrey lurg moghrey t’eh soilshaghey e vriwnys, cha vel eh failleil; agh cha vel veg y nearey er ny drogh-yantee.

Malachi 2:17

Ta shiu er n’yannoo skee jeh’n Chiarn, lesh ny goan eu: foast ta shiu gra, Cre ayn ta shin er n’yannoo skee jeh? Tra ta shiu gra, Dy vel dy chooilley unnane ta cur-rish olk, mie ayns shilley yn Chiarn, as dy vel taitnys echey ayndoo; er aght elley, Cre vel yn Jee dy vriwnys?

Malachi 3:15

As nish ta shin genmys ny mooaralee maynrey: dy jarroo ta adsyn, ta cur rish drogh-yannoo, er ny hoiaghey seose, dy jarroo ta adsyn, ta brasnaghey Jee, er ny livrey.

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.