Jeremiah 11:6 - Yn Vible Casherick 1775 1819

⁶ Eisht dooyrt y Chiarn rhym, Jean ooilley ny goan shoh y ockley magh ayns ard-valjyn Yudah, as ayns straïdyn Yerusalem, gra, Clasht-jee goan y chonaant shoh, as jean-jee ad y chooilleeney.

Jeremiah 11:6 ပူးပေါင်းရင်းမြစ်များ

Psalmyn 15:5

Eshyn ta loo da e naboo, as nagh vel dy volley eh: ga dy beagh eh gys e choayl hene.

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 2:2

Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Zechariah 7:7

Nagh lhisagh shiu tastey ’choyrt da my ghoan, ta’n Chiarn er n’ockley magh liorish ny chied phadeyryn, tra va cummaltee ayns Jerusalem, as ee hene ayns sonnys, as ny ard-valjyn eck ooilley mygeayrt-y-moee, tra va’n jiass as y cheer-rea fo slane cummaltee.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Romanee 2:13

(Son cha nee adsyn ta clashtyn y leigh ta seyr fenish Yee, agh jeantee yn leigh vees er ny heyrey.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 4:5

Cur-my-ner, ta mee er choyrt reue slattyssyn as briwnyssyn, eer myr ta’n Chiarn my Yee er m’y harey, dy jinnagh shiu nyn lurg ayns y cheer, raad ta shiu goll dy ghoaill possession jeh.

Jamys 1:22

Agh bee-jee shiuish jeantee jeh’n goo, as cha nee ny-lomarcan clashtyn rish, molley shiu hene.