Jeremiah 11:2 - Yn Vible Casherick 1775 1819

² Clasht-jee goan y chonaant shoh, as loayr rish deiney Yudah, as rish cummaltee Yerusalem;

Jeremiah 11:2 ပူးပေါင်းရင်းမြစ်များ

2 Reeaghyn 11:17

As ren Jehoiada conaant eddyr y Chiarn, as y ree, as y pobble, dy beagh ad pobble y Chiarn; eddyr y ree myrgeddin as y pobble.

2 Recortyssyn 23:16

As ren Jehoiada conaant eddyr eh-hene as ooilley’n pobble, as eddyr y ree, dy beagh ad pobble y Chiarn.

2 Recortyssyn 29:10

Nish te ayns my chree dy yannoo conaant rish y Chiarn, Jee Israel, dy vod eulys e yymmoose v’er ny hyndaa ersooyl voïn.

2 Recortyssyn 34:31

As hass y ree ayns e ynnyd, as ren eh conaant fenish y Chiarn, dy immeeaght lurg y Chiarn, as dy reayll e annaghyn, as e recortyssyn, as e lattyssyn lesh ooilley e chree, as lesh ooilley e annym, dy chooilleeney goan y chonaant ta scruit ’sy lioar shoh.

Exodus 19:5

Shen-y-fa nish, my ver shiu dy jarroo biallys da my choraa, as freayll my chonaant, bee shiu eisht pobble my chree hene, erskyn dy chooilley phobble; son lhiam’s ooilley’n seihll.

Jeremiah 11:1

Yn goo haink gys Jeremiah veih’n Chiarn, gra,

Jeremiah 11:6

Eisht dooyrt y Chiarn rhym, Jean ooilley ny goan shoh y ockley magh ayns ard-valjyn Yudah, as ayns straïdyn Yerusalem, gra, Clasht-jee goan y chonaant shoh, as jean-jee ad y chooilleeney.