Jeremiah 11:12 - Yn Vible Casherick 1775 1819

¹² Eisht hed ard-valjyn Yudah, as cummaltee Yerusalem, as eamee ad gys ny jeeghyn shen daue t’ad chebbal incense: agh ad shen cha vod sauail ad edyr ayns earish nyn seaghyn.

Jeremiah 11:12 ပူးပေါင်းရင်းမြစ်များ

2 Recortyssyn 28:22

As ayns earish e arkys hie eh er e hoshiaght ayns peccah noi’n Chiarn. Shen ree Ahaz diu.

Isaiah 45:20

Chaggle-jee shiu hene as tar-jee; tar-jee er-gerrey cooidjagh, shiuish scapailtee ny ashoonyn: t’ad gyn tushtey ta soiaghey seose fuygh nyn yalloo grainnit, as ta goaill padjer gys jee nagh vod sauail.

Isaiah 46:7

T’ad dy hroggal eh er y gheaylin, t’ad dy ymmyrkey lhieu eh, as soiaghey eh ayns e ynnyd, as te shassoo; veih e ynnyd cha jean eh gleashagh: dy jarroo, nee fer geamagh huggey, ny-yeih cha vod eh freggyrt, ny sauail eh ass e heaghyn.

Jeremiah 18:15

Er-yn-oyr dy vel my phobble’s er my yarrood, t’ad er lostey incense gys fardalys, as t’adsyn er chur orroo dy skyrraghtyn veih my raaidyn, treigeil ny shenn cassanyn, dy hooyl ayns cassanyn cammey ayns raad neu-chiart;

Jeremiah 2:28

Agh cre vel ny jeeghyn ayd’s ren oo dhyt hene? lhig dauesyn girree seose, my oddys ad oo y hauail ayns earish dty heaghyn: son corrym rish earroo dty ard-valjyn ta ny jeeghyn ayd’s, O Yudah.

Jeremiah 44:8

Son dy vel shiu dy my vrasnaghey gys corree lesh obbraghyn nyn laueyn, lostey incense gys jeeghyn joarree ayns thalloo Egypt, raad ta shiu er gholl dy vaghey, shiu hene dy ve giarit jeh, as dy ve son mollaght as oltooan mastey ooilley ashoonyn y theihll?

Deuteronomy 32:37

As nee eh gra, Cre vel ny jeeghyn oc, yn chreg er hug ad nyn marrant,

Deuteronomy 32:38

Ren gee meeaylys nyn ourallyn, as giu feeyn ny chebballyn-jough oc? lhig daue troggal orroo, as cooney lhieu, as ve nyn gemmyrk.

Briwnyn 10:14

Immee-jee, as eïe-jee gys ny jeeghyn ta shiu er reih; lhig dauesyn shiu y livrey ayns traa nyn seaghyn.