Jeremiah 11:11 - Yn Vible Casherick 1775 1819

¹¹ Shen-y-fa myr shoh ta’n Chiarn dy ghra, Cur-my-ner, ver-ym lhiam olk orroo, nagh vod ad shaghney; as ga dy n’eam ad hym, cha der-ym clashtyn daue.

Jeremiah 11:11 ပူးပေါင်းရင်းမြစ်များ

2 Reeaghyn 22:16

Myr shoh ta’n Chiarn gra, Cur-my-ner, ver-yms lhiam olk er yn ynnyd shoh, as er e chummaltee, eer ooilley goan y lioar ta ree Yudah er lhaih:

2 Recortyssyn 34:24

Myr shoh ta’n Chiarn dy ghra, Cur-my-ner, Ver-yms lhiam olk er yn ynnyd shoh, as er e chummaltee, eer ooilley ny mollaghtyn ta scruit ’sy lioar t’ad er lhaih ayns clashtyn ree Yudah.

Lioar Yob 35:13

Son shickyrys cha jean Jee geaishtagh rish fardalys, chamoo nee’n Ooilley-niartal cur geill da.

Psalmyn 18:41

Nee ad geamagh, agh cha bee unnane dy chooney lhieu: dy jarroo gys y Chiarn, nee ad geamagh, agh cha der eh clashtyn daue.

Psalmyn 66:18

Moylley dy row gys Jee, nagh vel er hoiaghey beg jeh my phadjer: ny er hyndaa e vyghin voym.

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Isaiah 24:17

Ta aggle, as yn ooig, as y ribbey ort’s, O chummaltagh y thallooin.

Jeremiah 11:14

Shen-y-fa ny jean uss guee ass lieh yn phobble shoh, chamoo jean aghin ny padjer y hebbal er nyn son: son cha n’eaisht-ym roo tra nee ad geamagh hym ayns earish nyn seaghyn.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Jeremiah 14:2

Ta Judah dobberan, as ny giattyn eck goll naardey; t’ad doogh er y thalloo, as ta eam Yerusalem er droggal.

Jeremiah 15:2

As hig eh gy-kione, my jir ad rhyt, Cre’n raad hem mayd magh? eisht jir oo roo, Myr shoh ta’n Chiarn dy ghra, Nyn lheid as ta cour baase, dy baase; as lheid as ta cour y chliwe, da’n chliwe; as lheid as ta cour y ghortey, da’n ghortey; as lheid as ta cour cappeeys, gys cappeeys.

Jeremiah 18:11

Nish er-y-fa shen, gow royd, loayr rish deiney Yudah, as rish cummaltee Yerusalem, gra, Myr shoh ta’n Chiarn dy ghra, Cur-jee my-ner, ta mee kiarail olk nyn ’oï, as ta mee smooinaghtyn son kerraghey dy choyrt erriu: chyndaa-jee nish dagh unnane veih e ghrogh raad, as jean-jee nyn raaidyn as nyn obbraghyn y lhiasaghey.

Jeremiah 19:15

Myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam er yn ard-valley shoh, as er ooilley e baljyn, ooilley yn olk ta mee er n’ockley magh noi eck; er-yn-oyr dy vel ad er chreoghey nyn mwannal noi geaishtagh rish my ghoan’s.

Jeremiah 19:3

As abbyr, Clasht-jee goo yn Chiarn, O reeaghyn Yudah, as shiuish chummaltee Yerusalem; myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam olk er y voayl shoh, quoi-erbee chlinnys eh, nee e chleayshyn feiyral.

Jeremiah 23:12

Shen-y-fa bee’n immeeaght oc myr raaidyn shliawney ’sy dorraghys; bee ad immanit er nyn doshiaght, as tuittee ad ayn: son ver-ym lhiam yn olk orroo, eer bleïn nyn gerraghey, ta’n Chiarn dy ghra.

Jeremiah 25:35

As cha bee saase ec ny bochillyn dy chosney roue, ny ard-vooinjer y chioltane dy scapail.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 36:31

As goym’s kerraghey ersyn, as er e luight, as er e vooinjer, son y vee-chairys oc; as ver-ym lhiam orroosyn, as er cummaltee Yerusalem, as er deiney Yudah, ooilley ny huilk ta mish er n’ockley magh nyn ’oï: agh cha dug ad geill.

Jeremiah 6:19

Lhig da’n seihll clashtyn; cur-my-ner, ver-yms lhiam olk er y pobble shoh, eer mess ny smooinaghtyn oc hene, er-yn-oyr nagh vel ad er n’eaishtagh rish my ghoan’s, ny rish my leigh’s, agh er hoiaghey beg jeh.

Dobberan 2:22

T’ou er my chruinnaghey mygeayrt lesh seaghyn, myr feailley casherick lesh sheshaght; myr shen ayns laa jymmoose y Chiarn cha ren fer scapail ny cosney roish: adsyn ren mee y voandyrys, as y hroggal, ta my noid er stroie.

Ezekiel 14:3

Vac y dooinney, ta ny deiney shoh er hoiaghey seose ny jallooyn oc ayns nyn gree, as t’ad freayll oyr scammyltagh nyn mee-chairys kiongoyrt rish nyn eddin: as vel y daanys ayndoo dy vriaght jeem’s?

Ezekiel 7:5

Myr shoh ta’n Chiarn Jee dy ghra, Yn olk, yn ynrycan olk, cur-my-ner, te er jeet.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Amos 5:19

Myr dooinney ta chea veih lion, as meeiteil muc-awin: ny goll stiagh gys e hie, as lhie e laue er y voalley, as ard-nieu dy lhottey eh.

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid: