Jeremiah 10:8 - Yn Vible Casherick 1775 1819

⁸ Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Jeremiah 10:8 ပူးပေါင်းရင်းမြစ်များ

Psalmyn 115:8

T’adsyn ta jannoo ad casley roo: as myr shen t’adsyn ooilley ta cur nyn dreishteil ayndoo.

Psalmyn 135:18

T’adsyn ta jannoo ad casley roo: as myr shen t’adsyn ooilley ta cur nyn dreishteil ayndoo.

Isaiah 41:29

Cur-my-ner, fardail ad ooilley; dyn veg ta nyn obbraghyn: ta nyn yallooyn lheït geay as shaghrynys.

Isaiah 44:18

Cha vel tushtey ny toiggal oc: son t’eh er ghooney seose nyn sooillyn, nagh vod ad fakin; as nyn greeaghyn, nagh vod ad toiggal.

Isaiah 44:19

As cha vel unnane dy ghoaill eh gys e chree, chamoo ta toiggal ny tushtey oc dy ghra, Ta mee er lostey ayrn jeh ’syn aile; dy jarroo ta mee er vroie arran er ny smarageyn echey; ta mee er roastey feill lesh, as er n’ee eh; as jean-ym red dwoaiagh jeh’n chooid elley jeh? duittym sheese roish bun billey?

Jeremiah 10:14

Ta dy chooilley ghooinney jeu bolvaneagh ayns tushtey; ta keeayl dy chooilley lheieder lheïe ersooyl lesh y jalloo grainnit: son ta’n jalloo lheït echey ny oalsaght, as cha vel ennal ayndoo.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Jeremiah 3:9

As shen myr ve, trooid an-ghoo e maarderys, dy ren ee yn cheer neu-ghlen, as poosey y vrishey rish jallooyn cloaie as fuygh.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 5:4

Shen-y-fa dooyrt mee, Son shickyrys t’ad shoh nyn moghtyn; t’ad giare-cheeayllagh: son cha vel toiggal oc jeh raad y Chiarn, ny briwnys nyn Yee.

Hosea 4:12

Ta my phobble shirrey coyrle veih nyn yallooyn-fuygh, as ta nyn luirg jannoo faishnys daue: son ta’n spyrryd dy vaarderys er choyrt shaghrynys orroo, as t’ad er n’eiyrt er maarderys, treigeil nyn Yee.

Jonah 2:8

T’adsyn, ta cur geill da fardalyssyn breagagh, treigeil nyn myghin hene.

Habakkuk 2:18

Cre’n foays t’ayns y jalloo grainnit, dy vel yn obbree er ghrainney eh; yn jalloo roit, as y fer-ynsee dy vreagyn, dy vel yn obbree treishteil ayns ny jallooyn balloo, obbyr e laueyn hene?

Zechariah 10:2

Son ta ny jallooyn er loayrt fardalys, as ny fir-obbee er vakin breg, as t’ad er n’insh dreamallyn foalsey: t’ad gerjaghey ayns fardail: shen-y-fa hie ad rhymboo myr shioltane, v’ad seaghnit, er-yn-oyr nagh row bochilley erbee harrystoo.