Jeremiah 10:7 - Yn Vible Casherick 1775 1819

⁷ Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Jeremiah 10:7 ပူးပေါင်းရင်းမြစ်များ

2 Reeaghyn 17:39

Agh nee shiu aggle y ghoaill roish y Chiarn y Jee eu, as nee eshyn shiu y livrey veih laue ooilley nyn noidyn.

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

Esther 1:13

Eisht dooyrt y ree rish ny deiney creeney, va toiggal cooishyn (son shoh va cliaghtey yn ree dy ghoaill y choyrle ocsyn va tushtagh ayns leigh as briwnys:

Psalmyn 147:5

S’mooar ta’n Chiarn ainyn, as s’mooar ta e phooar: dy jarroo, ta e chreenaght erskyn earroo.

Psalmyn 22:28

Son lesh y Chiarn yn reeriaght: as she eshyn yn Kiannoort mastey yn pobble.

Psalmyn 47:3

Ver eh sheese y pobble foïn: as ny ashoonyn fo nyn gassyn.

Psalmyn 72:11

Nee dy chooilley ree tuittym sheese kiongoyrt rish: nee dy chooilley ashoon eh y hirveish.

Psalmyn 76:7

T’ou uss, dy jarroo uss as aggle dy ve er ny ghoaill royd: as quoi oddys shassoo ayns dty hilley tra t’ou corree?

Psalmyn 86:8

Mastey ny Jeeghyn cha vel unnane erbee casley rhyt’s, O Hiarn: cha vel unnane oddys jannoo myr t’ou uss dy yannoo.

Psalmyn 86:9

Hig ooilley ny ashoonyn t’ou er yannoo, as ver ad ooashley dhyt’s, O Hiarn: as nee ad dt’Ennym y ghloyraghey.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Exodus 8:10

As dooyrt eshyn, Mairagh. As dooyrt eh, Dy row eh myr t’ou gra: dy vod fys ’ve ayd’s, nagh vel unnane erbee goll-rish y Chiarn y Jee ain.

Exodus 9:14

Son ver-yms ec y traa shoh ooilley my ghourinyn er dty chree, as er dty harvaantyn, as er dty phobble, dy vod oo toiggal nagh vel my lheid’s ayns ooilley yn seihll.

Isaiah 2:4

As nee eh briwnys mastey ny ashoonyn, as ver eh oghsan da ymmodee pobble; as obbree ad seose nyn gliwenyn gys yiarnyn-shesheree, as nyn shleiyghyn gys yiarnyn-foldyragh: cha jean ashoon cliwe y hroggal seose noi ashoon, chamoo nee ad gynsaghey yn keird-caggee ny smoo.

Jeremiah 10:6

Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Daniel 2:27

Dansoor Daniel fenish y ree, as dooyrt eh, Yn folliaght ta’n ree er yeearree, cha vod ny deiney-creeney, ny rollageydee, ny fallogyssee, ny ny fir-ysseree soilshaghey da’n ree:

Daniel 2:28

Agh ta Jee ayns niau, ta soilshaghey folliaghtyn, as t’eh coyrt toiggal da’n ree Nebuchadnezzar, cre vees ayns ny laghyn jerrinagh. Yn dreamal ayd’s, as ashlishyn dty chione, er dty lhiabbee, v’ad shoh;

Habakkuk 3:2

O Hiarn, ta mee er chlashtyn dty choraa, as va aggle orrym: O Hiarn, jean dty obbyr y aa-vioghey ayns mean ny bleeantyn, jean soilshaghey; ayns dty yymmoose smooinee er myghin.

Zechariah 2:11

As bee ymmodee ashoonee ayns y laa shen er ny lhiantyn gys y Chiarn, as bee ad my phobble: as neem’s cummal ayns y vean ayd’s, as bee fys ayd, dy vel Chiarn ny flaunyssee er my choyrt hood’s.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Luke 12:5

Agh ver-yms raaue diu quoi roish ghoys shiu aggle: Gow-jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow-jee aggle roishyn.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Joshua 4:24

Dy vod dy chooilley phobble er feaï-ny-cruinney cronnaghey laue y Chiarn, dy vel eh niartal; dy vod shiuish aggle y ghoaill roish y Chiarn y Jee eu ooilley laghyn nyn mea.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.