Jeremiah 10:6 - Yn Vible Casherick 1775 1819

⁶ Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Jeremiah 10:6 ပူးပေါင်းရင်းမြစ်များ

2 Samuel 7:22

Shen-y-fa, s’mooar t’ou uss, O Hiarn Yee: son cha vel fer erbee casley rhyt, chamoo cheu-mooie jeed’s ta Jee erbee elley, cordail rish ooilley ny ta shin er chlashtyn lesh nyn gleayshyn.

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

Nehemiah 4:14

As yeeagh mee, as hrog mee orrym, as dooyrt mee rish ny ard-gheiney, as ny fir-reill, as rish y chooid elley jeh’n pobble, Ny gow-jee aggle roue: cooinee-jee er y Chiarn, ta ard as atchimagh, as jean-jee caggey son nyn mraaraghyn, nyn mec, as nyn inneenyn, ny mraane, as ny thieyn eu.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey erskyn roshtyn nyn dushtey.

Psalmyn 147:5

S’mooar ta’n Chiarn ainyn, as s’mooar ta e phooar: dy jarroo, ta e chreenaght erskyn earroo.

Psalmyn 35:10

Nee ooilley my chraueyn gra, Hiarn, quoi ta casley rhyt’s, ta livrey yn boght veihsyn ta ro hrean da: dy jarroo yn boght, as eshyn ta ayns treihys, veihsyn ta dy spooilley eh?

Psalmyn 48:1

Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Psalmyn 96:4

Son ta’n Chiarn mooar, as cha vod eh dy feeu ’ve er ny voylley: ta ny smoo dy aggle dy ve goit roishyn na dy chooilley Yee.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Exodus 8:10

As dooyrt eshyn, Mairagh. As dooyrt eh, Dy row eh myr t’ou gra: dy vod fys ’ve ayd’s, nagh vel unnane erbee goll-rish y Chiarn y Jee ain.

Exodus 9:14

Son ver-yms ec y traa shoh ooilley my ghourinyn er dty chree, as er dty harvaantyn, as er dty phobble, dy vod oo toiggal nagh vel my lheid’s ayns ooilley yn seihll.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 40:25

Quoi rish eisht nee shiu m’y hoylaghey? ny quoi rish nee shiu m’y chormal? ta’n Jee casherick dy ghra.

Isaiah 46:5

Quoi gys nee shiu mee y hoylaghey, as m’y chormal, as jannoo my huarystal, shin dy ve co-laik?

Isaiah 46:9

Cooinee-jee er cooishyn y chenn earish: son mish yn Jee, as cha vel Jee erbee elley; mish yn Jee, as cha vel fer erbee casley rhym;

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 32:18

T’ou soilshaghey kenjallys-ghraihagh da thousaneyn, as cooilleeney mee-chairys ny ayraghyn gys oghrish nyn gloan nyn yeï: yn Jee mooar as niartal, Chiarn ny flaunyssee yn ennym echeysyn,

Daniel 4:3

S’mooar ta e chowraghyn! as s’niartal ta e yindyssyn! ta’n reeriaght echeysyn reeriaght dy bragh farraghtyn, as e reiltys veih sheeloghe gys sheeloghe.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Deuteronomy 32:31

Son cha vel y chreg ocsyn myr y Chreg ainyn, eer ayns briwnys nyn noidyn hene.

Deuteronomy 33:26

Cha vel unnane goll-rish Jee Yeshurun, ta markiagh er niau son dty chooney, as ayns e ard-ooashley er yn aer.