Jeremiah 10:22 - Yn Vible Casherick 1775 1819

²² Cur-my-ner, ta sheean y naight er jeet, as irree-magh dewil ass y cheer my-hwoaie, dy yannoo ard-valjyn Yudah ny hraartys, as ooig son dragonyn.

Jeremiah 10:22 ပူးပေါင်းရင်းမြစ်များ

Isaiah 34:13

As aasee drineyn seose ayns ny plaaseyn eck, undaagagh as dressyn ayns ny cashtallyn eck; as bee eh son cummal dragonyn, as oayll son hulladyn.

Jeremiah 1:14

Eisht dooyrt y Chiarn rhym, Ass y twoaie nee olk brishey magh er ooilley cummaltee’n cheer.

Jeremiah 1:15

Son cur-my-ner, neem’s geamagh er ooilley cummaltee reeriaghtyn y twoaie, ta’n Chiarn dy ghra; as hig ad, as nee ad soiaghey dagh fer jeu e stoyl-reeoil eddyr giattyn Yerusalem, as noi ooilley e voallaghyn cruin mygeayrt, as noi ooilley ard-valjyn Yudah.

Jeremiah 2:15

Ren ny lionyn aegey garveigagh n’oï as gullyrnee, as hug ad yn cheer echey naardey: ta ny ard-valjyn echey losht, as gyn cummaltagh.

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 4:15

Son ta coraa troggal veih Dan, as fockley-magh naightyn trome veih cronk Ephraim.

Jeremiah 4:6

Soie-jee seose yn mergey lesh Zion: reue-jee, ny jean-jee cumrail; son ver-yms lhiam olk veih’n twoaie, as traartys trome.

Jeremiah 49:33

As bee Hazor ny oayll son dragonyn, as ny hraartys son earishyn foddey: cha jean fer erbee baghey ayns shen, ny mac dooinney cummal ayn.

Jeremiah 5:15

Cur-my-ner, ver-yms lhiam erriu ashoon veih foddey, O hie Israel, ta’n Chiarn dy ghra: te ny ashoon niartal, te ny henn ashoon, ashoon nagh nhione dhyt y ghlare oc, chamoo t’ou, toiggal cre t’ad dy ghra.

Jeremiah 6:1

O shiuish chloan Venjamin, chaggle-jee shiu hene cooidjagh dy chosney ersooyl ass mean Yerusalem, as jean-jee yn trumpet y heidey ayns Tekoa, as soie-jee seose aile cronnal ayns Beth-haccerem: son ta olk troggal ass y twoaie, as lhome-hraartys.

Jeremiah 6:22

Shoh myr ta’n Chiarn dy ghra, Cur-my-ner, ta pobble cheet veih’n cheer twoaie, as nee ashoon mooar troggal veih slystyn y theihll.

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Ezekiel 12:19

As abbyr rish pobble y cheer, Myr shoh ta’n Chiarn Jee dy ghra, mychione cummaltee Yerusalem, as thalloo Israel, Nee ad gee nyn arran lesh imnea, as giu nyn ushtey er-creau, dy vod y thalloo eck ve treigit lioroosyn ooilley t’ayn, kyndagh rish yn tranlaase ocsyn ooilley ta cummal ayn.

Malachi 1:3

Agh cha by-haittin lhiam Esau, as hug mee naardey ny sleityn echeysyn, as e eiraght son dragonyn yn aasagh.