Jeremiah 10:20 - Yn Vible Casherick 1775 1819

²⁰ Ta my chabbane er ny spooilley, as ta ooilley my choyrdyn brisht: ta my chloan er n’gholl magh voym, as cha vel ad arragh; cha vel unnane faagit dy heeyney magh reesht my chabbane, as dy hoiaghey seose my churtanyn.

Jeremiah 10:20 ပူးပေါင်းရင်းမြစ်များ

Lioar Yob 7:8

Yn sooill t’er my akin cha vaik eh mee arragh: ta dty hooillyn orrym, as cha bee’m ny sodjey bio.

Raaghyn Creeney 12:7

Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.

Isaiah 51:16

As ta mee er choyrt my ghoan ayns dty veeal, as er dty choodaghey ayns scadoo my laue, dy choamrey ny niaughyn, as dy hoiaghey undinyn y thallooin, as dy ghra rish Zion, Uss my phobble.

Isaiah 51:18

Cha vel fer eck dy chooney lh’ee mastey ooilley ny mec t’ee er n’ymmyrkey; chamoo ta fer dy ghoaill ee er laue, jeh ooilley e cloan t’ee er droggal.

Isaiah 54:2

Jean mooadaghey ynnyd dty chabbane, as lhig daue sheeyney magh curtanyn dty ynnydyn-vaghee: ny lhaggee dty laue, lhig magh dty choyrdyn, as niartee dty stakyn:

Jeremiah 30:17

Son neem’s uss y choural reesht, as bee dty lhottyn er ny lheihys, ta’n Chiarn dy ghra; son ren ad dty oltooan myr eebyrtagh, gra, Shoh Zion, nagh vel dooinney erbee dy yeearree.

Jeremiah 31:15

Myr shoh ta’n Chiarn dy ghra, Va coraa er ny chlashtyn ayns Ramah, dobberan, as keayney sharroo; Rachel keayney son e cloan, er-yn-oyr nagh row veg jeu faagit.

Jeremiah 4:20

Ta traartys er traartys er ny eam, son ta’n slane cheer spooillit: doaltattym ta my chabbaneyn rooishtit, as my churtanyn ’sy tullogh.

Dobberan 1:5

Ta laue yn eaghtyr ec ny tranlaasee eck, ta e noidyn er ghoaill niart: son ta’n Chiarn er heaghney ee, son e ymmodee loghtyn; ta’n chloan eck er n’gholl ayns cappeeys roish y noid.

Micah 2:9

Ta shiu er n’eebyrt mraane my phobble ass nyn dhieyn aalin, veih nyn gloan ta shiu er n’ghoaill ersooyl my ghloyr son dy bragh.