Jeremiah 10:2 - Yn Vible Casherick 1775 1819

² Myr shoh ta’n Chiarn dy ghra, Ny ynsee-jee aght ny ashoonee, as ny bee-jee atchimagh son cowraghyn yn aer; son ta ny ashoonee feer atchimagh rhymboo.

Jeremiah 10:2 ပူးပေါင်းရင်းမြစ်များ

Genesis 1:14

As dooyrt Jee, Lhig da soilshaghyn ve ayns yn ayr fo niau, dy scarrey yn laa veih yn oie: as lhig daue ve son cowraghyn, as son imbaghyn, as son laghyn, as bleeantyn.

Jeremiah 10:1

Clasht-jee rish yn goo ta’n Chiarn dy loayrt riu, O hie Israel:

Ezekiel 20:32

As shen ny ta cheet ayns nyn aigney, cha bee eh jeant mie, dy vel shiu gra, Bee mayd myr ny ashoonee, myr kynneeyn ny cheeraghyn dy hirveish fuygh as clagh.

Leviticus 18:3

Cha n’eiyr shiu er cliaghtaghyn cheer Egypt, raad va shiu cummal; as lurg cliaghtaghyn cheer Chanaan, raad ta mee dy choyrt shiu, cha jean shiu; chamoo nee shiu gimmeeaght lurg nyn oardaghyn.

Leviticus 20:23

As cha n’eiyr shiu er cliaghtaghyn ny ashoonyn, ta mish tilgey magh rhymbiu: son v’adsyn kyndagh jeh ooilley ny peccaghyn shoh, as myr shen hug mee feoh daue.

Deuteronomy 18:9

Tra vees oo er jeet gys y cheer ta’n Chiarn dty Yee er choyrt dhyt, cha n’ynsee oo dy yannoo lurg cliaghtaghyn eajee ny ashoonyn shen.

Briwnyn 6:10

As dooyrt mee riu, She mish yn Chiarn yn Jee eu; ny gow-jee aggle roish jeeghyn ny Amoriteyn, ’sy cheer oc ta shiu cummal: agh cha vel shiu er ve biallagh gys my choraa.