Jeremiah 10:16 - Yn Vible Casherick 1775 1819

¹⁶ Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 10:16 ပူးပေါင်းရင်းမြစ်များ

Psalmyn 119:57

Uss my eiraght, O Hiarn: ta mee er yialdyn dy reayll dty leigh.

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 142:5

Cha row ynnyd erbee aym dy chea huggey son sauchys: as cha row dooinney erbee ren scansh jeh my vioys.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Psalmyn 73:26

Son cur-my-ner, nee adsyn ta dy dty hreigeil, cherraghtyn: t’ou er stroie adsyn ooilley ta kyndagh jeh maarderys dt’oï.

Psalmyn 74:2

O smooinee er dty phobble t’ou er chionnaghey, as er veaysley er-dyn chenn earish.

Exodus 19:5

Shen-y-fa nish, my ver shiu dy jarroo biallys da my choraa, as freayll my chonaant, bee shiu eisht pobble my chree hene, erskyn dy chooilley phobble; son lhiam’s ooilley’n seihll.

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Raaghyn Creeney 16:4

Ta’n Chiarn er n’yannoo dy chooilley nhee er e hon hene: eer ny drogh-yantee cour laa yn cherraghey.

Isaiah 19:25

Adsyn nee Chiarn ny flaunyssee bannaghey, gra, Bannit dy row Egypt my phobble, as Assyria obbyr my laueyn, as Israel my eiraght.

Isaiah 45:7

Ta mee kiaddey yn soilshey, as croo yn dorraghys; ta mee jannoo shee as reill yn olk. Mish yn Chiarn ta bun ooilley ny reddyn shoh.

Isaiah 47:4

Er son y Fer-kionnee ain, ta’n ennym echey Chiarn ny flaunyssee, Jee casherick Israel.

Isaiah 47:6

Va mee jymmoosagh rish my phobble; ta mee er n’yannoo my eiraght feohdoil, as er livrey ad gys dty laue: cha ren oo myghin y hoilshaghey daue; er y chenndeeaght t’ou dy feer trome er lhie yn whing.

Isaiah 51:15

Agh mish y Chiarn dty Yee, ren rheynn yn aarkey, va ny tonnyn eck freaney: Chiarn ny flaunyssee yn ennym echey.

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Jeremiah 10:12

T’eshyn er chroo yn thalloo liorish e phooar, t’eh er hoiaghey yn seihll liorish e chreenaght, as er heeyney magh ny niaughyn liorish e hushtey.

Jeremiah 10:6

Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Jeremiah 31:35

Myr shoh ta’n Chiarn gra, ta coyrt yn ghrian son soilshey ’sy laa, as oardaghyn yn eayst as ny rollageyn son soilshey ’syn oie, ta seiy seose yn aarkey tra ta ny tonnyn eck feiyral: ta Chiarn ny flaunyssee e ennym:

Jeremiah 32:18

T’ou soilshaghey kenjallys-ghraihagh da thousaneyn, as cooilleeney mee-chairys ny ayraghyn gys oghrish nyn gloan nyn yeï: yn Jee mooar as niartal, Chiarn ny flaunyssee yn ennym echeysyn,

Jeremiah 33:2

Myr shoh ta’n Chiarn dy ghra, ren y seihll y chroo, yn Chiarn ren eh y chummey, as soiaghey magh eh; ta’n Chiarn yn ennym echey;

Jeremiah 46:18

Myr ta mee bio, ta’n Ree gra, ta’n ennym echey, Yn Chiarn dy heshaghtyn-flaunyss, Cha shickyr as ta Tabor soit mastey ny sleityn, as Carmel rish oirr ny marrey, bee shoh er ny chooilleeney.

Jeremiah 50:34

Ta’n Saualtagh oc niartal; Chiarn ny flaunyssee yn ennym echey: nee eh dy fondagh pleadeil yn chooish oc, son fea y choyrt da’n cheer, agh anvea da cummaltee Vabylon.

Jeremiah 51:19

Cha vel Eiraght Yacob goll-roosyn; son she eshyn t’er chroo dy chooilley nhee; as ta Israel cronney e eiraght; Yn Chiarn ny flaunyssee yn ennym echey.

Dobberan 3:24

Ta’n Chiarn my chronney, ta my annym dy ghra, shen-y-fa bee my varrant er.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Zechariah 2:12

As nee yn Chiarn goaill huggey hene myr eiraght Judah e chronney ayns y thalloo sheaynt, as gow ee eh reesht Jerusalem myr reih.

Deuteronomy 32:9

Son lesh y Chiarn e phobble; ta Jacob cronney e eiraght.