Jeremiah 10:13 - Yn Vible Casherick 1775 1819

¹³ Tra t’eh cur magh e choraa ayns taarnagh, ta weight ushtey ’syn aer, as t’eh cur er y kay dy hroggal veih ardjyn sodjey magh yn ooir; t’eh lhiggey magh ny tendreilyn lesh y fliaghey, as cur magh yn gheay ass e hashtaghyn.

Jeremiah 10:13 ပူးပေါင်းရင်းမြစ်များ

Genesis 2:5

As dy chooilley villey jeh’n vagher roish my row ad er yn ooir, as ooilley lossreeyn y vagher roish my daase ad; son cha row yn Chiarn Jee foast er choyrt fliaghey er yn ooir, as cha row dooinney ayn dy laboragh y thalloo.

1 Reeaghyn 18:41

As dooyrt Elijah rish Ahab, Trog ort, ee as iu, son t’ayn sheean mooar dy liaghey trome.

Lioar Yob 38:22

Vel uss er n’gholl stiagh gys tashtaghyn y sniaghtey? ny vel oo er vakin creaghyn y sniaghtey-garroo,

Psalmyn 104:13

T’eh gushtaghey ny croink veih yn yrjid: ta’n seihll er ny lhieeney lesh mess dt’obbraghyn.

Psalmyn 135:17

Ta cleayshyn oc, agh cha vel ad clashtyn: chamoo ta veg yn ennal ayns nyn meeal.

Psalmyn 135:7

T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Psalmyn 147:8

Ta coodaghey yn aer lesh bodjallyn, as jannoo aarloo yn fliaghey son y thalloo: ta coyrt er y faiyr dy aase er ny sleityn, as lossreeyn son ymmyd deiney;

Psalmyn 18:13

Hug y Chiarn neesht taarnagh veih niau, as ren y Fer syrjey coyrt e haarnagh: claghyn-sniaghtee, as smarageyn d’aile.

Psalmyn 68:33

Ta ny hoie ayns ny niaughyn erskyn ooilley er-dyn toshiaght: cur-my-ner, t’eh cur magh e choraa, dy jarroo, as shen coraa niartal.

Exodus 9:23

As heeyn Moses magh e lorg lesh niau: as hug y Chiarn taarnagh as sniaghtey-garroo, as roie yn tendreil rish y thalloo; as gheayrt y Chiarn neose sniaghtey-garroo er cheer Egypt.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Jeremiah 19:12

Shoh myr nee’m jannoo rish yn ynnyd shoh, ta’n Chiarn dy ghra, as rish ny cummaltee t’ayn, as nee’m eer yn ard-valley shoh y yannoo myr Tophet.

Jeremiah 5:24

Chamoo t’ad gra ayns nyn gree, Lhig dooin nish aggle y ghoaill roish y Chiarn nyn Yee, ta cur dooin fliaghey cooie ny imbaghyn, chammah toshiaght as jerrey ny bleeaney: t’eh freayll dooin shiaghtinyn dooghyssagh yn ouyr.

Jeremiah 51:16

Tra t’eh cur magh e choraa, ta’n aer laadit lesh ushtey, as t’eh cur er kay troggal veih ardjyn sodjey magh y thallooin; t’eh cur magh tendreilyn lesh fliaghey, as lhiggey magh yn gheay ass e hashtaghyn.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Zechariah 10:1

Guee-jee gys y Chiarn son fliaghey ayns traa fliaghey s’jerree ny bleeaney, myr shen nee yn Chiarn bodjallyn sollys, as ver eh daue frassyn fliaghee, da dagh unnane faiyr ayns e vagher.