Jeremiah 10:12 - Yn Vible Casherick 1775 1819

¹² T’eshyn er chroo yn thalloo liorish e phooar, t’eh er hoiaghey yn seihll liorish e chreenaght, as er heeyney magh ny niaughyn liorish e hushtey.

Jeremiah 10:12 ပူးပေါင်းရင်းမြစ်များ

Genesis 1:1

Ayns y toshiaght chroo Jee niau as thalloo.

Genesis 2:5

As dy chooilley villey jeh’n vagher roish my row ad er yn ooir, as ooilley lossreeyn y vagher roish my daase ad; son cha row yn Chiarn Jee foast er choyrt fliaghey er yn ooir, as cha row dooinney ayn dy laboragh y thalloo.

1 Recortyssyn 16:26

Son cha vel ooilley jeeghyn y pobble agh jallooyn; agh y Chiarn t’er chroo ny niaughyn.

Lioar Yob 26:7

T’eh sheeyney magh yn twoaie harrish y feaynid vooar, as t’eh cummal seose yn seihll er y folmid.

Lioar Yob 37:18

Vel uss mârishyn er skeayley magh yn aer, ta cha lajer, as myr prash sollys?

Lioar Yob 9:8

Eh ny-lomarcan ta skeayley magh ny niaughyn, as shooyl er tonnyn ny marrey;

Psalmyn 104:2

T’ou dy choamrey oo hene lesh soilshey myr lesh garmad: as skeayley magh ny niaughyn myr curtan;

Psalmyn 104:24

O Hiarn, cre cha ymmodee ta dt’obbraghyn: ayns creenaght t’ou er n’yannoo ad ooilley, ta’n seihll lane jeh dty verchys!

Psalmyn 119:90

Ta dt’irriney myrgeddin farraghtyn veih sheeloghe gys sheeloghe: t’ou er hoiaghey undin ny hooirey, as te er-mayrn.

Psalmyn 24:2

Son t’eh er hoiaghey eh er ny faarkaghyn: as er hickyraghey eh er ny thooillaghyn.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Psalmyn 65:7

Ta kiunaghey sterrym ny marrey: as feiyr ny tonnyn echey, as mee-reiltys y phobble.

Psalmyn 78:69

Agh reih eh sheeloghe Yudah: dy jarroo cronk Sion bynney lesh.

Psalmyn 93:1

Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er choamrey eh-hene lesh niart.

Raaghyn Creeney 3:19

Ta’n Chiarn liorish creenaght er hickyraghey yn thalloo; liorish tushtey t’eh er choamrey ny niaughyn.

Raaghyn Creeney 30:4

Quoi t’er n’gholl seose gys niau, ny er jeet neose? quoi t’er haglym yn gheay ayns e ghurn? quoi t’er chiangley ny ushtaghyn lesh cagliagh? quoi t’er hickyraghey ooilley ardjyn y thallooin? cre’n ennym t’er, as cre’n ennym t’er e vac, my ta fys ayd?

Isaiah 37:16

O Hiarn, Jee ny flaunyssee, Jee Israel, ta cummal eddyr ny cherubim; she uss yn Jee, eer uss dty-lomarcan jeh ooilley reeriaghtyn y thallooin; t’ou uss er chroo niau as thalloo.

Isaiah 40:22

Eshyn eh ta soie er combaase y theihll, as ta ny cummaltee echey myr lheimeyderyn-faiyr; ta sheeyney magh ny niaughyn myr curtan, as skeayley magh ad myr cabbane dy chummal ayn;

Isaiah 42:5

Shoh myr ta’n Chiarn Jee dy ghra, eh chroo ny niaughyn, as ren skeayley magh ad; eh hug er y thalloo dy heet rish, as ooilley ny ta cheet ass; eshyn hug ennal ’sy phobble ta er, as bioys ayndoosyn ta cummal ayn;

Isaiah 44:24

Myr shoh ta’n Chiarn, dty Haualtagh, dy ghra, as eshyn ren dty chummey ’sy vreïn, Mish y Chiarn ta jannoo dy chooilley nhee; mish my-lomarcan ta skeayley magh ny niaughyn; mish mee hene ta sheeyney magh yn thalloo;

Isaiah 45:12

Ta mee er n’yannoo yn thalloo, as er chroo dooinney er: she mish, eer my laueyn hene, t’er heeyney magh ny niaughyn, as ooilley yn cheshaght-chaggee oc ta mee er oardrail.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 48:13

Ta my laue myrgeddin er hoiaghey undin y thallooin, as ta my laue yesh er skeayley magh ny niaughyn: tra ta mee geamagh orroo, t’ad shassoo seose dy cheilley.

Isaiah 49:8

Myr shoh ta’n Chiarn gra, Ayns traa cooie ta mee er dty chlashtyn, as ayns laa yn taualtys ta mee er chooney lhiat: as nee’m oo y choadey, as ver-ym oo son conaant da’n pobble, dy chur shee da’n thalloo, dy chur cummaltee reesht ayns ny eiraghyn treigit:

Jeremiah 10:13

Tra t’eh cur magh e choraa ayns taarnagh, ta weight ushtey ’syn aer, as t’eh cur er y kay dy hroggal veih ardjyn sodjey magh yn ooir; t’eh lhiggey magh ny tendreilyn lesh y fliaghey, as cur magh yn gheay ass e hashtaghyn.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Jeremiah 27:5

Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

Jeremiah 32:17

O Hiarn Yee, cur-my-ner, t’ou uss er chroo niau as thalloo liorish dty phooar niartal as dty roih sheeynt magh, as dhyt’s cha vel nhee erbee ro ghoillee:

Zechariah 12:1

Phadeyrys trome goo yn Chiarn son Israel, ta’n Chiarn dy ghra, ta sheeyney magh ny niaughyn, as layal undin ny hooirey, as kiaddey spyrryd dooinney cheu-sthie jeh.

Noo Ean 1:3

Liorishyn va dy chooilley nhee er ny yannoo; as n’egooish cha row nhee erbee jeant va er ny yannoo;

Colossianee 1:16

Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill-reeoil, ny chiarnyssyn, ny rheamyn, ny pooaraghyn: va dy chooilley nhee er nyn groo liorishyn, as er e hon: