Jeremiah 10:1 - Yn Vible Casherick 1775 1819

¹ Clasht-jee rish yn goo ta’n Chiarn dy loayrt riu, O hie Israel:

Jeremiah 10:1 ပူးပေါင်းရင်းမြစ်များ

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

Psalmyn 50:7

Clasht, O my phobble, as neem’s loayrt: neem’s mee hene feanish y ymmyrkey dt’oï, O Israel; son mish Jee, dy jarroo yn Jee ayd’s.

Isaiah 1:10

Clasht-jee rish goo yn Chiarn, shiuish reiltee Sodom; eaisht-jee rish leigh yn Jee ain, shiuish phobble Ghomorrah:

Isaiah 28:14

Shen-y-fa eaisht-jee rish goo yn Chiarn, shiuish chraidoilee, ta reill yn pobble shoh t’ayns Jerusalem:

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 44:6

Myr shoh ta’n Chiarn Ree Israel, as e Haualtagh Chiarn ny flaunyssee, dy ghra, Mish yn chied er as y fer s’jerree; as er-lhimmey jeem’s cha vel Jee erbee elley.

Jeremiah 10:2

Myr shoh ta’n Chiarn dy ghra, Ny ynsee-jee aght ny ashoonee, as ny bee-jee atchimagh son cowraghyn yn aer; son ta ny ashoonee feer atchimagh rhymboo.

Jeremiah 2:4

Clasht-jee goo’n Chiarn, O shiuish hie Yacob, as ooilley kynneeyn thie Israel:

Jeremiah 22:2

As abbyr, Clasht rish goo yn Chiarn, O ree Yudah, ta dty hoie er stoyl-reeoil Ghavid, uss, as dty harvaantyn, as dty phobble ta goll stiagh er ny giattyn shoh;

Jeremiah 42:15

(As nish er-y-fa shen, eaisht-jee rish goo yn Chiarn, shiuish fooilliagh Yudah; Myr shoh ta Chiarn ny flaunyssee, Jee Israel, dy ghra, My ta shiu dy jarroo kiarit dy hoiaghey nyn eddin son goll sheese gys Egypt, as dy vaghey ayns shen;)

Jeremiah 9:26

Er Egypt, as Judah, as Edom, as cloan Ammon, as Moab, as ooilley ny t’ayns ny corneilyn sodjey magh, ta cummal ’syn aasagh: son ta ooilley ny ashoonyn shoh nyn jymmyltee, as ta ooilley thie Israel nyn jymmyltee ayns cree.

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Amos 7:16

Nish er-y-fa shen, eaisht uss rish goo yn Chiarn: t’ou gra, Ny jean phadeyrys noi Israel, as ny lhig fockle voïd noi thie Isaac.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er-yn-oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Ashlish 2:29

Eshyn ta cleaysh echey, lhig da clashtyn ny ta’n Spyrryd dy ghra rish ny kialteenyn.