Jeremiah 1:5 - Yn Vible Casherick 1775 1819

⁵ Roish my ren mee dty chummey ’sy volg bione dou uss; as my daink oo magh ass y vreïn ren mish oo y chasherickey; as doardee mee uss dy ve phadeyr da ny ashoonyn.

Jeremiah 1:5 ပူးပေါင်းရင်းမြစ်များ

Psalmyn 139:15

Honnick dty hooillyn yn stoo aym’s, tra ve foast gyn cummey: as ayns dty lioar va ooilley my oltyn scruit;

Psalmyn 139:16

Va laa lurg laa er nyn gummey: tra nagh row ad foast er jeet rish.

Exodus 33:12

As dooyrt Moses rish y Chiarn, Cur-my-ner, t’ou gra rhym, Cur lhiat seose y pobble shoh: as cha vel oo er hoilshaghey dou quoi ver oo mârym. Ga dy vel oo er ghra, Shynney lhiam dty ennym, as t’ou er gheddyn foayr ayns my hilley’s.

Exodus 33:17

As dooyrt y Chiarn rish Moses, Neem’s myrgeddin yn red shoh t’ou er ghra; son t’ou er gheddyn foayr ayns my hilley’s, as shynney lhiam dt’ennym.

Isaiah 44:2

Shoh myr ta’n Chiarn dy ghra, ta er dty chiaddey, as t’er dty chummey veih’n vreïn, eh nee cooney lhiat; Ny bee aggle ort, O Yacob my harvaant; as uss Yesurun, ta mee er reih.

Isaiah 49:1

Eaisht-jee rhym, O ellanyn; as jean-jee clashtyn, shiuish phobble veih foddey; ta’n Chiarn er n’eamagh orrym veih’n vreïn, veih breïn my vayrey t’eh er n’yannoo imraa jeh my ennym.

Isaiah 49:5

As nish, ta’n Chiarn dy ghra ren mish y chroo veih’n vreïn dy ve e harvaant, dy chur lesh Jacob huggey reesht, Ga nagh vel Israel er ny haglym, foast beem’s gloyroil ayns shilley yn Chiarn, as bee my Yee my niart.

Jeremiah 1:10

Jeeagh, ta mee jiu er hoiaghey oo harrish ny ashoonyn, as harrish ny reeriaghtyn, dy astyrt ass ny fraueyn, as dy raipey sheese, as dy stroie, as dy lhieggal, dy hroggal, as dy hoiaghey.

Jeremiah 1:4

Eisht haink goo yn Chiarn hym, gra,

Jeremiah 20:15

Dy doogh dy row da’n dooinney hug lesh y naight da my ayr, gra, Ta lhiannoo-mac er ny ruggey dhyt; cur-volley da.

Jeremiah 25:13

As cooilleen-yms er y cheer shen ooilley my ghoan ta mee er n’ockley magh n’oï, eer ooilley ny ta scruit ’sy lioar shoh, myr ta Jeremiah er phadeyrys noi ooilley ny ashoonyn cheddin.

Jeremiah 36:2

Gow lioar, as scrieu ayn ooilley ny goan ta mish er loayrt rhyt’s noi Israel, as noi Judah, as noi dy chooilley ashoon, er-dyn laa loayr mee rhyt, veih laghyn Yosiah, eer gys y laa t’ayn jiu.

Jeremiah 50:34

Ta’n Saualtagh oc niartal; Chiarn ny flaunyssee yn ennym echey: nee eh dy fondagh pleadeil yn chooish oc, son fea y choyrt da’n cheer, agh anvea da cummaltee Vabylon.

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer breïn e vayrey.

Noo Luke 1:41

As haink eh gy-kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Noo Luke 1:76

As bee uss lhiannoo enmyssit phadeyr yn Er-syrjey; son hed oo roish eddin y Chiarn, dy yannoo aarloo e raaidyn;

Noo Ean 10:36

Vel shiu gra mychione-syn ta’n Ayr er chasherickey, as er choyrt gys y theihll, T’ou loayrt goan mollaghtagh; er-yn-oyr dy dooyrt mee, She Mac Yee mee?

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

Romanee 8:29

Son adsyn honnick eh ro-laue, ren eh myrgeddin kiarail ro-laue dy ve er nyn gaghlaa gys cummey e Vac, dy voddagh eh ve yn mac shinney mastey ymmodee braaraghyn.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

Ephesianee 1:22

As ta er choyrt dy chooilley nhee fo e chassyn, as hug eh eh dy ve kione harrish dy chooilley nhee da’n agglish,