Jeremiah 1:19 - Yn Vible Casherick 1775 1819

¹⁹ As nee ad caggey dt’oï, agh cha vow ad yn varriaght ort; son ta mish mayrt, ta’n Chiarn dy ghra, dy dty livrey.

Jeremiah 1:19 ပူးပေါင်းရင်းမြစ်များ

Psalmyn 129:2

Dy jarroo, shimmey keayrt t’ad er n’yannoo tranlaase orrym veih m’aegid derrey nish: agh cha vel ad er chosney orrym.

Jeremiah 1:18

Son cur-my-ner, ta mee er n’yannoo uss jiu ard-valley fencit, as pillar yiarn, as voallaghyn prashey, noi’n slane cheer; noi reeaghyn Yudah, noi e princeyn, noi ny saggyrtyn eck, as noi pobble y cheer.

Jeremiah 1:8

Ny bee aggle ort roish yn eddin oc: son ta mish mayrt dy dty livrey, ta’n Chiarn dy ghra.

Jeremiah 11:19

Agh va mish goll-rish eayn ny dow t’er ny chur lesh dy ve er ny varroo; as cha row fys aym dy row ad er ghoaill drogh-choyrle m’oï, gra, Lhig dooin yn billey y stroie marish e vess, as lhig dooin eh y yiarey jeh veih cheer ny bioee, nagh bee yn ennym echey ny-sodjey ayns cooinaghtyn.

Jeremiah 11:21

Shen-y-fa myr shoh ta’n Chiarn dy ghra mychione deiney Anathoth, ta shêgin er dty vioys, gra, Ny jean phadeyrys ayns ennym y Chiarn, er-aggle dy jed oo er stroie liorish ny laueyn ainyn:

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Jeremiah 2:1

Ny-sodjey haink goo yn Chiarn hym, gra,

Jeremiah 20:10

Son cheayll mee ymmodee dy my oltooan, lesh Magor-missabib: Cur magh yn goo, as adsyn, as ver mayd mygeayrt eh. Va ooilley my chaarjyn foalsey as sooill oc er my raaidyn, gra, Hoiggal dy jig miolagh ny raad, as dy vow mayd yn varriaght er, as slane cooilleeney nyn aigney.

Jeremiah 20:11

Agh ta’n Chiarn mârym’s myr fer-caggee niartal as atchimagh; shen-y-fa nee my hranlaasee tuittym, as cha vow ad yn varriaght; bee ad coodit lesh nearey; son cha jig eh lhieu; cha bee yn slane toyrt-mow oc dy bragh er ny yarrood.

Jeremiah 26:8

Nish haink eh gy-kione, erreish da Jeremiah v’er loayrt ooilley ny va’n Chiarn er n’oardaghey da dy loayrt rish ooilley’n pobble, dy ren ny saggyrtyn, as ny phadeyryn, as ooilley’n pobble, eh y ghreimmey, gra, Bee oo son shickyrys er dty choyrt gy-baase.

Jeremiah 30:11

Son ta mish mayrt, ta’n Chiarn dy ghra, dy dty hauail: ga dy jean-yms slane jerrey er dy chooilley ashoon raad ta mee er dty skeayley, foast cha jean-yms slane jerrey jeed’s; agh smaght-yms oo ayns myghin, as cha vaag-ym oo ooilley-cooidjagh gyn kerraghey.

Jeremiah 39:17

Agh livrey-yms oo ayns y laa shen, ta’n Chiarn dy ghra, as cha jig oo fo yn phooar ocsyn t’ou ayns aggle roue.

Jeremiah 42:11

Ny bee aggle erriu roish ree Vabylon; ny gow-jee aggle roish, ta’n Chiarn dy ghra: son ta mee mêriu dy hauail shiu, as dy livrey shiu veih e laue.

Jeremiah 46:28

Ny gow aggle, O Yacob my harvaant, ta’n Chiarn dy ghra; son ta mee mayrt: as nee’m slane jerrey er ooilley ny ashoonyn raad ta mee er n’eiyrt oo; as cha jean-yms slane jerrey jeed’s; agh smaght-yms oo ayns myghin; ga nagh vaag-ym oo ooilley-cooidjagh gyn kerraghey.

Daniel 3:25

Dreggyr eh, as dooyrt eh, Cur-my-ner, ta mee fakin kiare deiney feayshlit, shooyl ayns mean yn aile, as cha vel assee erbee orroo, as ta cummey yn chiarroo er casley rish mac Yee.

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Jannoo 26:17

Fendeil oo veih yn pobble, as veih ny Ashoonee, huc ta mee nish dy dty choyrt,

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.