Jeremiah 1:17 - Yn Vible Casherick 1775 1819

¹⁷ Jean uss er-y-fa shen dty veeghyn y chryssey seose, trog ort, as loayr roo ooilley ny ta mee coyrt ayns sarey dhyt: ny bee aggle ort roish yn eddin oc, er-aggle dy jean-ym uss y stroie kiongoyrt roo.

Jeremiah 1:17 ပူးပေါင်းရင်းမြစ်များ

1 Reeaghyn 18:46

As va laue’n Chiarn er Elijah: as chryss eh seose e veeghyn, as roie eh roish Ahab, derrey haink eh gys Jezreel.

2 Reeaghyn 1:15

As dooyrt ainle y Chiarn rish Elijah, Gow sheese mârish; ny gow aggle roish. As hrog eh er, as hie eh sheese mârish gys y ree.

2 Reeaghyn 4:29

Eisht dooyrt eh rish Gehazi, Kiangle seose dty veeghyn, as gow my lorg ayns dty laue, as immee royd: my veeitys oo dooinney erbee, ny loayr rish; as my nee dooinney erbee, ny loayr rish; as my nee dooinney erbee loayrt rhyt’s, ny fuirree dy choyrt ansoor da: as lhie my lorg er eddin y lhiannoo.

2 Reeaghyn 9:1

As deïe Elisha er fer jeh cloan ny phadeyryn, as dooyrt eh rish, Cryss seose dty gharmad mysh dty veeghyn, as gow yn box shoh dy ooil ayns dty laue, as immee gys Ramoth-gilead.

Lioar Yob 38:3

Trog seose nish dty veeghyn myr dooinney; son neem’s fênaght jeed’s, as freggyr uss mish.

Exodus 3:12

As dooyrt eh, Beem’s son shickyrys mayrt; as bee shoh son cowrey dhyt, dy vel mee er dty choyrt er y chaghteraght shoh: Tra t’ou er choyrt lhiat y pobble shoh magh ass Egypt, nee shiu Jee y hirveish er y clieau shoh.

Exodus 7:2

Nee uss loayrt ooilley ny ta mee dy dty harey: as nee Aaron dty vraar loayrt rish Pharaoh, eh dy choyrt cloan Israel magh ass y cheer echey.

Jeremiah 1:18

Son cur-my-ner, ta mee er n’yannoo uss jiu ard-valley fencit, as pillar yiarn, as voallaghyn prashey, noi’n slane cheer; noi reeaghyn Yudah, noi e princeyn, noi ny saggyrtyn eck, as noi pobble y cheer.

Jeremiah 17:18

Lhig dauesyn ve craghit ta jannoo tranlaase orrym, agh ny lhig dauesyn mish y chraghey; lhig dauesyn ve atchimit, agh ny lhig dooys ve atchimit: cur lhiat orroo yn laa doogh, as stroie ad lesh toyrt-mow ghooble.

Jeremiah 23:28

Yn phadeyr ta dreamal echey, lhig da e ghreamal y insh; as eshyn ta my ghoo’s echey, lhig da my ghoo y loayrt dy firrinagh. Cre ta’n coau ayns soylaghey da’n churnaght, ta’n Chiarn dy ghra.

Jeremiah 26:12

Eisht loayr Jeremiah rish ooilley ny princeyn, as rish ooilley’n pobble, gra, Hug y Chiarn mee dy adeyrys noi’n thie shoh, as noi’n ard-valley shoh, ooilley ny goan ta shiu er chlashtyn.

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Jeremiah 36:8

As ren Baruch mac Neriah cordail rish ooilley ny doardee yn phadeyr Jeremiah da, lhaih ayns y lioar goan y Chiarn ayns thie yn Chiarn.

Dobberan 3:57

Hayrn oo er-gerrey er y laa deïe mee ort: dooyrt oo, Ny bee aggle ort.

Jonah 3:2

Trog ort, immee gys Nineveh yn ard-valley mooar shen, as jean preacheil ayn ny goan ver-ym royd.

Noo Luke 12:35

Lhig da ny meeghyn eu ve cryssit, as ny cainleyn eu foaddit;

Jannoo 20:20

As kys nagh dreill mee back nhee erbee veagh vondeishagh diuish, agh hoilshee mee diu, as dynsee mee shiu dy foshlit, as veih thie dy thie,

Jannoo 20:27

Son cha vel mee er haghney dy hoilshaghey diu slane coyrle Yee.

1 Corinthianee 9:16

Son ga dy vel mee preacheil y sushtal, cha vel veg aym dy voggyssagh ass: son ta’n êgin shoh lhie orrym; dy jarroo, smerg dou mannagh jean-ym y sushtal y phreacheil.

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y [Jee ain, dy phreacheil diu sushtal] Yee lesh lane streeu.

1 Peddyr 1:13

Shen-y-fa kiartee-jee seose meeghyn nyn aigney, bee-jee sheelt, as treisht-jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;