Jeremiah 1:16 - Yn Vible Casherick 1775 1819

¹⁶ As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 1:16 ပူးပေါင်းရင်းမြစ်များ

2 Reeaghyn 22:17

Er-yn-oyr dy vel ad er m’y hreigeil, as er lostey incense gys jeeghyn joarree, dy m’y vrasnaghey gys corree lesh ooilley obbraghyn nyn laueyn; shen-y-fa bee my yymmoose er ny ghreesagh noi yn ynnyd shoh, as cha bee eh er ny vooghey.

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

2 Recortyssyn 28:2

Son jimmee eh ayns raaidyn reeaghyn Israel, as ren eh myrgeddin jallooyn lheït son Baalim.

2 Recortyssyn 34:25

Er-yn-oyr dy vel ad er my hreigeil, as er hebbal incense da jeeghyn joarree, dy my vrasnaghey gys corree lesh ooilley obbraghyn nyn laueyn; shen-y-fa bee my yymmoose er ny gheayrtey magh er yn ynnyd shoh; as cha bee eh er ny vooghey.

2 Recortyssyn 7:19

Agh my hyndaa-ys shiu ersooyl, as my lattyssyn as my annaghyn ta mee er hoiaghey kiongoyrt riu y hreigeil, as my hed shiu dy hirveish jeeghyn elley, as ooashley ’chur daue:

Isaiah 2:8

Ta’n cheer oc myrgeddin lane dy yallooyn: t’ad ooashlaghey obbyr ny laueyn oc hene, shen ta ny meïr oc hene er chummey.

Isaiah 37:19

As er hilgey ny jeeghyn oc ’syn aile: son cha nee jeeghyn v’ad, agh obbyr-lauee gheiney, fuygh as clagh; shen-y-fa t’ad er stroie ad.

Isaiah 44:15

Eisht bee eh ec dooinney dy lostey: son gowee eh kuse jeh dy hiow eh-hene; dy jarroo t’eh jannoo aile jeh, as broie arran lesh; dy jarroo t’eh jannoo jee jeh, as cur ooashley da; t’eh jannoo jalloo grainnit jeh, as croymmey sheese huggey.

Isaiah 65:3

Pobble ta dy my vrasnaghey gys corree dy kinjagh gys my eddin; ta ouralley gys nyn yallooyn ayns ny garaghyn, as lostey incense er altaryn dy vreek;

Jeremiah 10:15

T’ad fardail, as obbyr y volteyrys: ayns earish nyn gerraghey nee ad cherraghtyn.

Jeremiah 10:3

Son ta cliaghtaghyn y phobble fardalys: son ta fer giarey billey ’sy cheyll (obbyr-lauee yn obbree) lesh y teigh:

Jeremiah 11:12

Eisht hed ard-valjyn Yudah, as cummaltee Yerusalem, as eamee ad gys ny jeeghyn shen daue t’ad chebbal incense: agh ad shen cha vod sauail ad edyr ayns earish nyn seaghyn.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 15:6

T’ou er hreigeil mish, ta’n Chiarn dy ghra, t’ou er chur cooyl rhym; shen-y-fa sheeyn-ym magh ort my laue, as nee’m dty stroie; ta mee skee lesh surranse-foddey rhyt.

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

Jeremiah 18:15

Er-yn-oyr dy vel my phobble’s er my yarrood, t’ad er lostey incense gys fardalys, as t’adsyn er chur orroo dy skyrraghtyn veih my raaidyn, treigeil ny shenn cassanyn, dy hooyl ayns cassanyn cammey ayns raad neu-chiart;

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 2:13

Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Jeremiah 2:17

Nagh vel oo er dayrn shoh ort hene, liorish dy vel oo er hreigeil yn Chiarn dty Yee, va dty leeideilagh raaidey?

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Jeremiah 2:28

Agh cre vel ny jeeghyn ayd’s ren oo dhyt hene? lhig dauesyn girree seose, my oddys ad oo y hauail ayns earish dty heaghyn: son corrym rish earroo dty ard-valjyn ta ny jeeghyn ayd’s, O Yudah.

Jeremiah 4:12

Eer geay dorrinagh veih ny ardjyn shen hig hym’s: nish myrgeddin ver-yms briwnys nyn ’oï.

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Jeremiah 44:17

Agh nee mayd eer lurg nyn aigney hene, dy lostey incense gys queen yn aer, as dy lhieeney magh ourallyn-feeyney jee, myr boallagh shin, shin hene, as nyn ayraghyn, nyn reeaghyn, as nyn brinceyn, ayns ard-valjyn Yudah, as ayns straïdyn Yerusalem: son eisht va palchey beaghey ain, as va shin dy souyr, chamoo honnick shin olk erbee.

Jeremiah 5:29

Nagh jean-yms kerraghey y ghoaill son ny peccaghyn shoh? ta’n Chiarn dy ghra: nagh jean m’annym cooilleeney y ghoaill er lheid yn ashoon shoh?

Jeremiah 5:9

Nagh jean-yms kerraghey son ny peccaghyn shoh? ta’n Chiarn dy ghra; as nagh jean m’annym’s cooilleeney ’ghoaill er lheid yn ashoon shoh?

Jeremiah 51:17

Ta dy chooilley ghooinney jeu ny vouran ayns tushtey: ta keeayl dy chooilley lheieder lheïe ersooyl marish e yalloo grainnit: son cha vel y jalloo lheït agh fardail, as cha vel ennal ayndoo.

Jeremiah 7:17

Nagh vaik oo cre t’ad jannoo ayns ard-valjyn Yudah, as ayns straïdyn Yerusalem?

Jeremiah 7:18

Ta’n chloan teiy spollagyn, as ta ny ayraghyn foaddey yn aile, as ny mraane fuinney yn theayst, dy vroie keeakyn da ben-reïn yn aer, as dy hebbal ourallyn-feeyney da jeeghyn joarree, dy my vrasnaghey gys corree.

Jeremiah 7:9

Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Ezekiel 16:18

As t’ou er ghoaill dty gharmadyn dy obbyr-snaidey, as er choamrey ad: as t’ou er hoiaghey my ooil, as my incense kiongoyrt roo.

Ezekiel 24:14

Mish y Chiarn t’er loayrt eh, hig eh gys kione, as neem’s eh y chooilleeney, cha jean-ym chyndaa, chamoo nee’m chymmey y hoilshaghey, chamoo caghlaa-ym my aigney: cordail rish dty raaidyn, as cordail rish dty obbraghyn, nee ad uss y vriwnys, ta’n Chiarn Jee dy ghra.

Hosea 11:2

Myr smoo deïe mee orroo, wheesh shen sodjey hie ad voym: ren ad ouralley gys Baalim, as lostey incense gys jallooyn grainnit.

Hosea 8:6

Son veih Israel myrgeddin haink eh magh, yn obbree ren eh, shen-y-fa cha vel eh ny Yee: agh bee jalloo-baagh Samaria brisht ayns peeshyn.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Jannoo 7:41

As ren ad co-chaslys lheiy ayns ny laghyn shen, as heb ad oural da’n jalloo, as ghow ad boggey ayns obbraghyn ny laueyn oc hene.

Deuteronomy 28:20

Ver y Chiarn ort kerraghey trome, sproght, as toyrt-mow, ayns dy chooilley nhee t’ou goaill ayns laue; derrey vees oo er dty stroie, as derrey nee oo dy leah cherraghtyn; kyndagh rish olkys dt’obbraghyn, lioroo t’ou er m’y hreigeil.

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.

Joshua 24:20

My nee shiu treigeil y Chiarn as shirveish jeeghyn joarree, eisht nee eh chyndaa nyn ’oï, as ver eh seaghyn erriu, as ver eh mow shiu, lurg ooilley’n mie t’eh er n’yannoo diu.

Ashlish 9:20

As y chooid elley jeh ny deiney nagh row er nyn stroie liorish ny kerraghyn agglagh shoh, cha ghow ad foast arrys son obbraghyn nyn laueyn, ayns gyn coyrt ooashley da jouyil, as jallooyn dy airh, dy argid, as prash, as clagh, as fuygh: nagh vod fakin, ny clashtyn, ny shooyl: