Jeremiah 1:14 - Yn Vible Casherick 1775 1819

¹⁴ Eisht dooyrt y Chiarn rhym, Ass y twoaie nee olk brishey magh er ooilley cummaltee’n cheer.

Jeremiah 1:14 ပူးပေါင်းရင်းမြစ်များ

Isaiah 14:31

Gull, O yiat; yllee, O ard-valley: t’ou uss slane Palestina er dty skeayley: son hig jaagh veih’n twoaie, as cha n’uirree fer jeu nagh jig kionfenish, tra vees eh er ny eam.

Isaiah 41:25

Ta mee er hroggal seose fer veih’n twoaie, as hig eh: veih irree ny greïney nee eh fockley-magh my ennym; as ver eh princeyn fo-chosh myr y morter, as myr ta pasheyder stampey’n chray.

Jeremiah 10:22

Cur-my-ner, ta sheean y naight er jeet, as irree-magh dewil ass y cheer my-hwoaie, dy yannoo ard-valjyn Yudah ny hraartys, as ooig son dragonyn.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 31:8

Cur-my-ner, ver-ym lhiam ad veih’n cheer twoaie, as nee’m ad y haglym veih ardjyn sodjey magh y thallooin, as mâroosyn y doal as y baccagh, y ven torragh, as ish ta er-gerrey da’n traa dy cheilley: nee sheshaght vooar chyndaa reesht gys shen.

Jeremiah 4:6

Soie-jee seose yn mergey lesh Zion: reue-jee, ny jean-jee cumrail; son ver-yms lhiam olk veih’n twoaie, as traartys trome.

Jeremiah 46:20

Ta Egypt goll-rish colbagh feer aalin, agh ta toyrt-mow cheet; te cheet veih’n twoaie.

Jeremiah 47:2

Shoh myr ta’n Chiarn dy ghra, Cur-my-ner, ta ushtaghyn troggal veih’n twoaie, as bee ad thooilley roie harrish ny brooinyn, as ver ad yn cheer fo ushtey, as ooilley ny t’ayn; yn ard-valley, as ny cummaltee t’ayn: eisht bee ny deiney ayns jeïr, as nee ooilley fir-vaghee yn cheer gluggernee.

Jeremiah 50:41

Cur-my-ner, hig pobble veih’n twoaie, as nee ashoon mooar as ymmodee reeaghyn troggal seose veih ardjyn sodjey magh y thallooin.

Jeremiah 50:9

Son cur-my-ner, trog-yms seose, as ver-ym noi Babylon, shiartanse vooar dy ashoonyn pooaral veih’n cheer-twoaie; as nee ad soiaghey ad-hene ayns order-caggee noi eck; lioroo shen vees ee goit: bee ny sideyn oc myr sideyn dooinney lajer gastey; cha bee side jeu lhiggit ayns fardail.

Jeremiah 6:1

O shiuish chloan Venjamin, chaggle-jee shiu hene cooidjagh dy chosney ersooyl ass mean Yerusalem, as jean-jee yn trumpet y heidey ayns Tekoa, as soie-jee seose aile cronnal ayns Beth-haccerem: son ta olk troggal ass y twoaie, as lhome-hraartys.

Jeremiah 6:22

Shoh myr ta’n Chiarn dy ghra, Cur-my-ner, ta pobble cheet veih’n cheer twoaie, as nee ashoon mooar troggal veih slystyn y theihll.

Ezekiel 1:4

As yeeagh mee, as cur-my-ner haink geay-chassee ass y twoaie, bodjal vooar, as aile cassee, as soilshean mygeayrt-y-mysh, as ayns y vean echey va myr sollyssid amber ass mean yn aile.

Ezekiel 24:3

As cur magh coraa-dorraghey gys y thie mee-viallagh, as abbyr roo, Myr shoh ta’n Chiarn Jee dy ghra, Soie pot er yn aile, soie er eh, as myrgeddin deayrt ushtey ayn.

Joel 2:20

Agh scugh-ym foddey veue sheshaght-caggee yn twoaie, as eiyr-ym eh gys cheer gennish as follym-faase, lesh e eddin gys yn aarkey shiar, as e chooyl gys yn aarkey sodjey magh, as hig e vreinid seose, as nee drogh hoar troggal jeh, son t’eh er n’ymmyrkey eh-hene dy mooaralagh.

Zechariah 6:6

As ta ny cabbil doo t’ayn, goll magh gys y cheer-twoaie, as ta ny banee goll magh geiyrt orroo; as ta ny cabbil glassey goll magh gys y cheer-jiass.