Jeremiah 1:12 - Yn Vible Casherick 1775 1819

¹² Eisht dooyrt y Chiarn rhym, T’ou er n’akin cowrey mie: son nee’m siyr er my ghoo dy chooilleeney eh.

Jeremiah 1:12 ပူးပေါင်းရင်းမြစ်များ

Isaiah 55:11

Shen myr vees my ghoo ta goll ass my veeal: cha jyndaa eh reesht hym’s neu-vreeoil; agh nee eh cooilleeney my aigney, as bee aïgh vie lesh ’sy chooish shen ta foym’s dy chooilleeney.

Jeremiah 1:13

As haink goo yn Chiarn hym yn nah cheayrt, gra, Cre t’ou fakin? As dreggyr mee, Ta mee fakin pot aarlee, as te soit lesh y twoaie.

Jeremiah 24:3

Eisht dooyrt y Chiarn rhym, Cre t’ou fakin, Yeremiah? As dreggyr mee, Figgyn; ny figgyn mie, feer vie; as yn olk, feer olk, nagh vod ve eeit, t’ad cha olk shen.

Jeremiah 31:28

As hig eh gy-kione, ’naght myr va sooill aym orroo, dy phluckey neose, as dy vrishey sheese, as dy lhieggal, as dy stroie, as dy heaghney; myr shen bee sooill aym orroo, dy hroggal, as dy hoiaghey ta’n Chiarn dy ghra.

Ezekiel 12:25

Son mish y Chiarn: neem’s loayrt, as yn goo loayr-yms, hig eh gy-kione: cha bee eh ny sodjey er ny lhiggey shaghey: son ayns ny laghyn euish, O hie vee-viallagh, neem’s loayrt yn ockle, as jannoo mie jeh, ta’n Chiarn Jee dy ghra.

Ezekiel 12:28

Shen-y-fa, abbyr roosyn, Myr shoh ta’n Chiarn Jee dy ghra, Cha bee veg jeh my ghoan’s lhiggit shaghey ny-sodjey, agh bee yn goo, ta mee er loayrt, er ny chooilleeney, ta’n Chiarn Jee dy ghra.

Amos 8:2

As dooyrt eh, Amos, cre t’ou fakin? As dooyrt mee, Baskad dy vessyn-souree. Eisht dooyrt y Chiarn rhym’s, Ta’n jerrey er jeet er my phobble Israel, cha lhiggym shaghey ny-sodjey.

Noo Luke 10:28

As dooyrt eh rish, T’ou er n’ansoor dy mie: jean shoh, as yiow yn vea.

Noo Luke 20:39

Eisht dreggyr shiartanse jeh ny scrudeyryn as dooyrt ad, Vainshter, t’ou er ghra dy mie.

Deuteronomy 18:17

As dooyrt y Chiarn rhym, T’ad er loayrt dy mie ayns ny t’ad er ghra.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

Deuteronomy 5:28

As cheayll y Chiarn coraa nyn ghoan, tra loayr shiu rhym’s; as dooyrt y Chiarn rhym, Ta mee er chlashtyn coraa goan y pobble shoh, t’ad er loayrt rhyt’s: t’ad er ghra dy mie ayns ooilley ny t’ad er loayrt.