Jeremiah 1:11 - Yn Vible Casherick 1775 1819

¹¹ Ny-sodjey, haink goo’n Chiarn hym, gra, Yeremiah, cre t’ou fakin? As dooyrt mee, Ta mee fakin slatt dy villey-almond.

Jeremiah 1:11 ပူးပေါင်းရင်းမြစ်များ

Genesis 30:37

As ghow Jacob slattyn dy phoplar glass, as jeh’n chouyl, as y billey-chesnut, as speein eh schimmeigyn baney orroo, as hug eh er y bane v’ayns ny slattyn cheet rish.

Isaiah 55:11

Shen myr vees my ghoo ta goll ass my veeal: cha jyndaa eh reesht hym’s neu-vreeoil; agh nee eh cooilleeney my aigney, as bee aïgh vie lesh ’sy chooish shen ta foym’s dy chooilleeney.

Jeremiah 24:3

Eisht dooyrt y Chiarn rhym, Cre t’ou fakin, Yeremiah? As dreggyr mee, Figgyn; ny figgyn mie, feer vie; as yn olk, feer olk, nagh vod ve eeit, t’ad cha olk shen.

Ezekiel 12:25

Son mish y Chiarn: neem’s loayrt, as yn goo loayr-yms, hig eh gy-kione: cha bee eh ny sodjey er ny lhiggey shaghey: son ayns ny laghyn euish, O hie vee-viallagh, neem’s loayrt yn ockle, as jannoo mie jeh, ta’n Chiarn Jee dy ghra.

Ezekiel 12:28

Shen-y-fa, abbyr roosyn, Myr shoh ta’n Chiarn Jee dy ghra, Cha bee veg jeh my ghoan’s lhiggit shaghey ny-sodjey, agh bee yn goo, ta mee er loayrt, er ny chooilleeney, ta’n Chiarn Jee dy ghra.

Ezekiel 7:10

Cur-jee my-ner yn laa, cur-jee my-ner te er jeet, ta’n moghrey er n’gholl magh, ta’n clatt er vlaaghey, ta moyrn er chur magh.

Amos 7:8

As dooyrt y Chiarn rhym’s, Amos, cre t’ou fakin? As dooyrt mee, Line-level, Eisht dooyrt y Chiarn, Cur-my-ner, neem’s soiaghey line-level ayns mean my phobble Israel: cha jean-yms shaghney yn olk voue ny-sodjey.

Amos 8:2

As dooyrt eh, Amos, cre t’ou fakin? As dooyrt mee, Baskad dy vessyn-souree. Eisht dooyrt y Chiarn rhym’s, Ta’n jerrey er jeet er my phobble Israel, cha lhiggym shaghey ny-sodjey.

Zechariah 4:2

As dooyrt eh rhym, Cre t’ou fakin? As dooyrt mee, Ta mee er yeeaghyn, as cur-my-ner cainlere slane airhey, as claare er e vullagh, as ny shiaght lampyn echey er, as shiaght lhiggaghyn gys ny shiaght lampyn va er e vullagh:

Zechariah 5:2

As dooyrt eh rhym, Cre t’ou dy akin? As dreggyr mee, Ta mee fakin lioar skianagh-etlagh, yn lhiurid echey ta feed cubit, as y lheead echey jeih cubityn.

Earrooyn 17:8

As haink eh gy-kione, laa-ny-vairagh, dy jagh Moses stiagh ayns cabbane y chonaant: as cur-my-ner, va slattag Aaron son thie Levi er chur magh blaa, as er vrishey magh ayns mess, as er ymmyrkey almondyn.