Jannoo 9:31 - Yn Vible Casherick 1775 1819

³¹ Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Yn Conaant Noa 1810

³¹ Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Jannoo 9:31 ပူးပေါင်းရင်းမြစ်များ

1 Recortyssyn 22:18

Nagh vel y Chiarn nyn Yee mêriu? as nagh vel eh er choyrt fea diu er dy chooilley heu? son t’eh er livrey cummaltee’n cheer gys my laue; as ta’n cheer er ny injillaghey kiongoyrt rish y Chiarn, as kiongoyrt rish e phobble.

1 Recortyssyn 22:9

Cur-my-ner, bee mac er ny ruggey dhyt’s, vees dooinney dy hee; as ver-yms fea da veih ooilley e noidyn er dy chooilley heu: son bee’n ennym echey Solomon, as ver-yms shee as fea da Israel rish y lhing echey.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Nehemiah 5:9

Dooyrt mee ny-sodjey, Cha vel shiu jannoo dy mie, nagh lhisagh shiu gimmeeaght ayns aggle yn Jee ain, kyndagh rish oltooan ny ashoonee nyn noidyn?

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Psalmyn 86:11

Ynsee dooys dty raad, O Hiarn, as nee’m gimmeeaght ayns dt’irriney: O jean my chree y sniemmey hood, dy voddym aggle y ghoaill roish dt’Ennym.

Psalmyn 94:13

Dy vod oo surranse y choyrt da ayns earish seaghyn: derrey vees yn ooig er ny chleiy son ny mee-chrauee.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 23:17

Ny lhig da dty chree troo mysh drogh-yantee: agh bee uss ayns aggle y Chiarn fey-yn-laa liauyr.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 33:6

As bee creenaght as tushtey shickyrys dty laghyn, as niart dty haualtys: ta aggle y Chiarn yn verchys echey.

Zechariah 8:20

Myr shoh ta Chiarn ny flaunyssee dy ghra, Hig eh foast gy-kione, dy jig pobble as cummaltee ymmodee ard-valjyn.

Jannoo 12:24

Agh ren goo Yee gaase as bishaghey.

Jannoo 16:5

As shen myr va ny kialteenyn er nyn niartaghey ayns y chredjue, as er nyn mishaghey ayns earroo gagh laa.

Jannoo 2:47

Cur moylley da Jee, as ayns ard-ghoo rish ooilley yn pobble. As va’n Chiarn cur stiagh gys yn agglish gagh laa lheid as va shirrey son saualtys.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 5:11

As haink aggle mooar er ooilley yn agglish, as er whilleen as cheayll ny reddyn shoh.

Jannoo 6:7

As ren goo Yee bishaghey; as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Jannoo 8:1

As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v’ad ooilley er nyn skeayley magh trooid cheeraghyn Yudea as Samaria, cheu-mooie jeh ny ostyllyn.

Romanee 14:17

Son cha nee bee ny jough reeriaght Yee, agh cairys, as shee, as boggey ayns y Spyrryd Noo.

Romanee 14:19

Lhig dooin er-y-fa shen geiyrt da ny reddyn ta jannoo son shee, as lioroo oddys shin niartaghey y cheilley ’sy chredjue.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 5:5

As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

1 Corinthianee 14:12

Er yn aght cheddin, fakin dy vel shiu dy jeean geearree giootyn spyrrydoil, shir-jee dy ve ny s’breeoil ayndoo gys ynsagh yn agglish.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er-lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

2 Corinthianee 10:8

Son ga dy jinnin boggyssagh ny-sodjey jeh’n phooar ain (ta’n Chiarn er choyrt dooin son y vondeish, as cha nee son yn assee eu) cha beagh nearey orrym.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 13:10

Shen-y-fa ta mee scrieu ny reddyn shoh, tra nagh vel mee mêriu, er-aggle tra hig-ym hiu, dy jean-ym shiu y smaghtaghey dy gyere cordail rish y phooar ta’n Chiarn er choyrt dooys son y vondeish [spyrrydoil,] as cha nee son yn assee eu.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Ephesianee 4:12

Son niartaghey ny nooghyn, son oik y chirveish, son coamrey corp Chreest;

Ephesianee 4:16

Veihsyn ta’n slane corp dy kiart er ny choyrt cooidjagh, as sniemmit dy cheilley liorish shen ta dagh junt dy hirveish, cordail rish yn obbragh breeoil ta cormit gys dagh olt, coyrt bishagh da’n chorp, dy niartaghey eh-hene ayns graih.

Ephesianee 4:29

Ny lhig da drogh ghlare erbee cheet ass nyn meeal, agh shen ny ta mie son ynsagh vondeishagh, dy vod eh grayse y hirveish orroosyn ta geaishtagh rish.

Ephesianee 5:21

Ginjillaghey shiu hene yn derrey yeh gys y jeh elley ayns aggle Yee.

Deuteronomy 12:10

Agh tra hed shiu harrish Jordan, as cummal ’sy cheer ta’n Chiarn nyn Yee dy choyrt diu son eiraght, as tra ver eh fea diu veih ooilley nyn noidyn er dy chooilley heu: myr shen dy bee shiu cummal ayns sauchys:

Philippianee 2:1

My ta er-y-fa shen gerjagh erbee ayns Creest, my ta eunys erbee dy ghraih, my ta sheshaght erbee gerjoil jeh’n Spyrryd, my ta meiyghys erbee as myghin;

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

1 Thessalonianee 5:11

Shen-y-fa jean-jee gerjaghey shiu hene, as niartaghey yn derrey yeh yn jeh elley, dy jarroo myr ta shiu dy yannoo.

1 Timothy 1:4

Chamoo dy chur geill da raaghyn fardalagh, as coontey fegooish bun ny baare er sheelogheyn, ta doostey questionyn [streeuagh], ny smoo na ynsagh crauee, ta ayns credjue.

Hebrewnee 4:9

Ta laa dy ea er-y-fa shen cour pobble Yee.

Joshua 21:44

As hug y Chiarn daue shee er dy chooilley heu, cordail rish bree yn loo ren eh da ny ayraghyn oc: as cha hass dooinney jeh ooilley nyn noidyn kiongoyrt roo; livrey’n Chiarn ooilley nyn noidyn gys nyn laue.

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,

Briwnyn 3:30

Myr shen va Moab er ny choyrt fo-chosh er y laa shen liorish laue Israel. As va shee ec y cheer kiare-feed bleïn.