Jannoo 9:18 - Yn Vible Casherick 1775 1819

¹⁸ As chelleeragh huitt veih ny sooillyn echey myr dy beagh eh scaailey; as hooar eh ec y traa cheddin e hoilshey, as dirree eh, as v’eh er ny vashtey.

Yn Conaant Noa 1810

¹⁸ As chelleeragh huitt veih ny sooillyn echey myr dy beagh eh scaailley; as hooar eh ec y traa cheddin e hoilshey, as dirree eh, as v’eh er ny vashtey.

Jannoo 9:18 ပူးပေါင်းရင်းမြစ်များ

Jannoo 2:38

Eisht dooyrt Peddyr roo, Gow-jee arrys, as bee-jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 2:41

Eisht v’adsyn ren dy arryltagh goaill-rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 22:13

As hass eh, as dooyrt eh rhym, Vraar Saul, Dty hoilshey dy row ayd. As ’syn oor cheddin yeeagh mee seose er.

Jannoo 22:16

As nish cre’n-fa t’ou lhiggey shaghey? irree as bee er dty vashtey, as niee ersooyl dty pheccaghyn, geamagh er ennym y Chiarn.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Jannoo 9:19

As tra v’eh er n’ghoaill beaghey, v’eh er ny niartaghey. Eisht duirree Saul shiartanse dy laghyn marish ny credjuee v’ayns Damascus.

Jannoo 9:8

As dirree Saul veih’n thalloo; as tra va e hooillyn er nyn vosley, cha vaik eh dooinney erbee: agh leeid ad eh er y laue, as hug ad lhieu eh gys Damascus.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er-mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.