Jannoo 9:17 - Yn Vible Casherick 1775 1819

¹⁷ As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Yn Conaant Noa 1810

¹⁷ As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Jannoo 9:17 ပူးပေါင်းရင်းမြစ်များ

Genesis 45:4

As dooyrt Joseph rish e vraaraghyn, Tar-jee ny sniessey dou, ta mee guee erriu: as haink ad er-gerrey as dooyrt eh, Mish Joseph nyn mraar chreck shiu gys Egypt.

Noo Mian 19:13

Eisht hug ad lhieu huggey cloan veggey, dy chur e laueyn orroo, as dy vannaghey ad: as hug e ostyllyn oghsan daue.

Noo Mark 5:23

As ghuee eh er dy jeean, gra, Ta my inneen veg ny lhie raad y vaaish, tar as cur dty laueyn urree, dy vod ee v’er ny lheihys, as bee ee bio.

Noo Mark 6:5

As cha dod eh mirril erbee y obbraghey ayns shen, cheu-mooie jeh dy dug eh e laueyn er regyryn dy leih chingey, as dy ren eh ad y lheihys.

Noo Luke 1:41

As haink eh gy-kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Noo Luke 1:67

As va’n ayr echey Zacharias lhieent lesh y Spyrryd Noo, as ren eh phadeyrys, gra,

Noo Luke 1:76

As bee uss lhiannoo enmyssit phadeyr yn Er-syrjey; son hed oo roish eddin y Chiarn, dy yannoo aarloo e raaidyn;

Noo Luke 15:30

Agh cha leah as v’eh shoh dty vac er jeet, ta er vaarail dty chooid er streebeeyn, t’ou er varroo er e hon yn lheiy beiyht.

Noo Luke 15:32

Ve cooie dooin ve gennal, as boggey y ghoaill: son v’eh shoh dty vraar marroo, as t’eh bio reesht: v’eh caillit, as t’eh er ny gheddyn.

Noo Luke 2:11

Son diuish t’er ny ruggey jiu ayns ard-valley Ghavid, Saualtagh, ta shen Creest yn Chiarn.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 13:3

As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Jannoo 13:52

As va ny Creesteenyn lhieent lesh boggey as y Spyrryd Noo.

Jannoo 19:6

As tra va Paul er lhie e laueyn orroo, haink y Spyrryd Noo orroo; as loayr ad lesh chengaghyn, as ren ad phadeyrys.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 26:15

As dooyrt mish, Quoi oo, Hiarn? As dooyrt eh, Mish Yeesey, orrym t’ou jannoo tranlaase.

Jannoo 4:31

As erreish daue v’er ghoaill padjer, chrie yn boayl raad v’ad er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 6:6

Ad shoh hoie ad kiongoyrt rish ny ostyllyn: as tra v’ad er ghoaill padjer, hug ad nyn laueyn orroo.

Jannoo 8:17

Eisht hug ad nyn laueyn orroo, as hooar ad y Spyrryd Noo.

Jannoo 9:18

As chelleeragh huitt veih ny sooillyn echey myr dy beagh eh scaailey; as hooar eh ec y traa cheddin e hoilshey, as dirree eh, as v’eh er ny vashtey.

Romanee 15:7

Shen-y-fa jean-jee soiaghey yn derrey yeh jeh’n jeh elley, myr ta Creest myrgeddin er n’yannoo soiagh j’in gys gloyr Yee.

1 Corinthianee 15:47

Va’n chied dooinney jeh’n thalloo, thallooinagh: ta’n nah ghooinney yn Chiarn veih niau.

1 Corinthianee 15:8

As er-jerrey ooilley v’eh er ny akin liorym’s neesht, myr liorish fer ruggyr ass traa cooie.

1 Corinthianee 9:1

Nagh nee ostyl mee? nagh vel mee ec my reamys hene? nagh vel mee er vakin Yeesey Creest nyn Jiarn? nagh nee shiuish yn obbyr aym’s ayns y Chiarn?

1 Timothy 4:14

Ny bee mee-rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

2 Timothy 1:6

Shen-y-fa ta mee coyrt oo ayns cooinaghtyn, dy jean oo greesaghey seose gioot Yee, ta aynyd, liorish coyrt my laueyn ort.

Philemon 1:16

Cha nee nish myr sharvaant, agh erskyn sharvaant, braar ennoil, dooys er-lheh, agh foddey smoo dhyt’s, chammah ayns yn eill as ayns y Chiarn?

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree-seose-reesht ny merriu, as jeh briwnys dy bragh farraghtyn.

2 Peddyr 3:15

As smooinee-jee dy vel surranse-foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;