Jannoo 9:11 - Yn Vible Casherick 1775 1819

¹¹ As dooyrt y Chiarn rish, Irree, as immee gys y traïd ta enmyssit y traïd Yeeragh, as jean briaght ayns thie Yudas, son fer ta enmyssit Saul jeh Tarsus: son cur-my-ner, t’eh ec padjer,

Yn Conaant Noa 1810

¹¹ As dooyrt y Chiarn rish, Irree, as immee gys y traïd ta enmyssit y traïd Yeeragh, as jean briaght ayns thie Yudas, son fer ta enmyssit Saul jeh Tarsus: son cur‐my‐ner, t’eh ec padjer,

Jannoo 9:11 ပူးပေါင်းရင်းမြစ်များ

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Jannoo 11:13

As hoilshee eh dooin, kys v’eh er vakin ainle ayns e hie, hass as dooyrt rish, Cur deiney gys Joppa dy eamagh er Simon ta sliennooit Peddyr:

Jannoo 11:25

Eisht jimmee Barnabas gys Tarsus dy hirrey Saul. As tra v’eh er gheddyn eh, hug eh lesh eh gys Antioch.

Jannoo 2:21

As hig eh gy-kione, quoi-erbee eïe-ys er ennym y Chiarn, dy bee eh er ny hauail.

Jannoo 21:39

Agh dooyrt Paul, Ta mish my ghooinney ta my Hew, veih Tarsus, ard-valley ayns Cilicia, my chummaltagh dy ard-valley ooasle; as ta mee guee ort kied y chur dou loayrt rish y pobble.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard-valley ayns Cilicia, agh va mee troggit ayns yn ard-valley shoh, ec cassyn Ghamaliel, as ynsit lurg aght s’ynrick leigh nyn shenn-ayryn, ayns graih jeean gys Jee, myr t’euish ooilley jiu.

Jannoo 8:22

Gow arrys er-y-fa shen jeh dty olkys, as guee gys Jee, hoiggal dy vod smooinaghtyn dty chree v’er ny leih dhyt.

Jannoo 8:26

As loayr ainle y Chiarn rish Philip, gra, Trog ort, as immee my-yiass, gys y raad goll sheese veih Jerusalem gys Gaza, trooid yn aasagh.

Jannoo 9:30

Agh tra hoig ny braaraghyn shoh, hug ad lhieu eh sheese gys Cesarea, as hug ad eh er e hoshiaght gys Tarsus.

Deuteronomy 4:29

Agh veih shen my nee oo shirrey gys y Chiarn dty Yee, nee oo feddyn eh, my hirrys oo er e hon lesh ooilley dty chree, as lesh ooilley dt’annym.