Jannoo 8:9 - Yn Vible Casherick 1775 1819

⁹ Agh va dooinney dy row enmyssit Simon, va er chliaghtey obbeeys ’syn ard-valley cheddin, as er chur shaghrynys er pobble Samaria, boggyssagh jeh hene dy ve ny ard-ghooinney ennagh.

Yn Conaant Noa 1810

⁹ Agh va dooinney dy row enmyssit Simon, va er chliaghtey obbeeys ’syn ard‐valley cheddin, as er chur shaghrynys er pobble Samaria, boggyssagh jeh hene dy ve ny ard‐ghooinney ennagh.

Jannoo 8:9 ပူးပေါင်းရင်းမြစ်များ

Exodus 7:11

Eisht hug Pharaoh myrgeddin fys er ny deiney creeney as ny fir-obbee: nish ren fir-obbee Egypt neesht, er yn aght cheddin, lesh nyn obbeeys:

Exodus 7:22

As ren fir-obbee Egypt y lheid cheddin lesh nyn obbeeys; as va cree Pharaoh er ny chreoghey; chamoo hug eh geill daue; myr va’n Chiarn er ghra.

Exodus 9:11

As cha dod ny fir-obbee shassoo kionfenish Moses, kyndagh rish yn askaid; son va’n askaid er ny fir-obbee, as er ooilley ny Egyptianee.

Leviticus 20:6

As yn annym ta geiyrt orroosyn ta cur-rish obbeeys, as buitcheraght, as jannoo maarderys [spyrrydoil] roo, neem’s soiaghey m’eddin noi’n annym shen, as eshyn y yiarey ersooyl veih mastey’n pobble.

Noo Ean 7:18

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu-chairys erbee ayn.

Jannoo 13:6

As tra v’ad er n’gholl trooid yn Ellan gys Paphos, hooar ad ayns shen fer-obbee dy row, phadeyr foalsey, Hew va enmyssit Bar-jesus:

Jannoo 13:8

Agh Elymas (ta shen dy ghra ’sy ghlare ainyn, Yn fer-obbee) hug eh eddin daue, er-chee dy hyndaa yn kiannoort veih’n chredjue.

Jannoo 5:36

Son cha voddey neayr’s dirree magh Theudas, boggyssagh jeh hene dy ve ny ard-ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaalhean as toyrt-mow.

Jannoo 8:11

As da shoh v’ad arrymagh, er-y-fa dy row eh ry-foddey er chur shaghrynys orroo lesh yn obbeeys echey.

2 Thessalonianee 2:4

Quoi ta soiaghey eh-hene seose noi, as troggal eh-hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee-viallagh gys ayraghyn as moiraghyn, neu-wooisal, mee-chrauee,

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta baghey ayns shaghrynys:

Ashlish 22:15

Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi-erbee shynney lesh as ta jannoo breg.