Jannoo 8:39 - Yn Vible Casherick 1775 1819

³⁹ As tra v’ad er jeet seose ass yn ushtey, hrog Spyrryd y Chiarn lesh Philip ersooyl nagh vaik yn eunuch eh arragh: as hie eh er y raad goaill boggey.

Yn Conaant Noa 1810

³⁹ As tra v’ad er jeet seose ass yn ushtey, hrog Spyrryd y Chiarn lesh Philip ersooyl nagh vaik yn eunuch eh arragh: as hie eh er y raad goaill boggey.

Jannoo 8:39 ပူးပေါင်းရင်းမြစ်များ

1 Reeaghyn 18:12

As hig eh gy-kione, cha beem’s ny s’leah er dty aagail, agh dy jean Spyrryd y Chiarn lesh oo cha vel fys cre’n raad; as myr shen tra hig-ym dy insh da Ahab, as nagh bee oo ry-gheddyn, nee eh mish y varroo: agh ta mish dty harvaant er ve ayns aggle y Chiarn veih my aegid.

2 Reeaghyn 2:16

As dooyrt ad rish, Cur-my-ner nish, ta nish marish dty harvaantyn jeih as da-eed dy gheiney trean; lhig daue goll, ta shin guee ort, as shirrey son dty vainshtyr; hoiggal dy vel Spyrryd y Chiarn er hroggal seose eh, as er cheau eh er slieau ny ayns coan ennagh. As dooyrt eh, Cha lhiass daue goll.

Psalmyn 119:111

Dty recortyssyn ta mee er hirrey myr m’eiraght son dy bragh: as cre’n-fa? t’ad eer boggey my chree.

Psalmyn 119:14

Ta taitnys wheesh er ve aym ayns raad dty leighyn: as ayns dy chooilley vonney dy verchys.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Ezekiel 11:1

Ny-sodjey, hrog y spyrryd mee seose, as hug eh lesh mee gys giat shiar thie yn Chiarn, ta jeeaghyn lesh y niar: as cur-my-ner, ec dorrys y yiat queig deiney as feed; nyn mastey honnick mee Jaazaniah mac Azur, as Pelatiah mac Venaiah, ard-gheiney yn phobble.

Ezekiel 11:24

Ny lurg shoh ghow yn spyrryd mee seose, as hrog eh lesh mee ayns ashlish, liorish spyrryd Yee, gys Caldea, hucsyn jeh’n chappeeys: shoh myr hie yn ashlish va mee er vakin seose voym.

Ezekiel 37:1

Va laue yn Chiarn orrym’s, as hug eh lesh mee magh ayns spyrryd y Chiarn, as lhig eh sheese mee ayns mean y choan va lane dy chraueyn,

Ezekiel 43:5

Myr shen hrog y spyrryd seose mee, as hug eh lesh mee stiagh ’sy chooyrt sodjey stiagh, as cur-my-ner ren gloyr y Chiarn lhieeney yn thie.

Ezekiel 8:3

As heeyn eh magh cummey jeh laue, as ghow eh mee er skeog my ching, as hrog yn spyrryd mee seose eddyr y thalloo as yn aer, as hug eh lesh mee ayns ashlishyn Yee gys Jerusalem, gys dorrys yn yiat sodjey stiagh, ta jeeaghyn lesh y twoaie, raad va stoyl yn jalloo dy eadolys, ta dy vrasnaghey gys eadolys.

Noo Mian 13:44

Reesht ta reeriaght niau goll-rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Noo Mian 3:16

As lurg da Yeesey ve bashtit, hie eh seose jeeragh ass yn ushtey: as cur-my-ner va ny niaughyn er nyn vosley er-e-skyn, as honnick eh Spyrryd Yee cheet neose myr calmane, as soie er.

Noo Mark 1:10

As jeeragh myr haink eh seose ass yn ushtey, honnick eh ny niaughyn foshlit, as y Spyrryd myr calmane cheet neose er.

Jannoo 13:52

As va ny Creesteenyn lhieent lesh boggey as y Spyrryd Noo.

Jannoo 16:34

As tra v’eh er chur lesh ad stiagh ayns e hie, hoie eh bee rhymboo, as ghow eh-hene as ooilley e hie boggey, as chred ad ayns Jee.

Jannoo 8:29

Eisht dooyrt y Spyrryd rish Philip, Immee er-gerrey as jean sheshaght rish yn ainagh shoh.

Jannoo 8:38

As doardee eh da’n ainagh shassoo: as hie ad ny-neesht sheese ayns yn ushtey, chammah Philip as yn eunuch; as vasht eh eh.

Jannoo 8:8

As va boggey mooar ayns yn ard-valley shen.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:4

Gow-jee boggey ayns y Chiarn dy kinjagh, as reesht ta mee gra, Gow-jee boggey.

Jamys 4:16

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.