Jannoo 8:27 - Yn Vible Casherick 1775 1819

²⁷ As hrog eh er, as jimmee eh: as cur-my-ner dooinney jeh Ethiopia, ny eunuch, as ayns ard-oik fo Candace ben-reïn ny Ethiopianee, fo’n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

Yn Conaant Noa 1810

²⁷ As hrog eh er, as jimmee eh: as cur‐my‐ner dooinney jeh Ethiopia, ny eunuch, as ayns ard‐oik fo Candace ben‐reïn ny Ethiopianee, fo’n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

Jannoo 8:27 ပူးပေါင်းရင်းမြစ်များ

1 Reeaghyn 10:1

As tra cheayll ben-reïn Sheba jeh goo Solomon, mychione ennym y Chiarn, haink ee dy phrowal eh lesh questionyn dorraghey.

Psalmyn 68:29

Son graih dty hiamble ec Jerusalem: myr shen ver reeaghyn lhieu giootyn hood’s.

Psalmyn 68:31

Eisht hig ny princeyn magh ass Egypt: nee cheer ny Morianee dy leah ny laueyn eck y heeyney magh gys Jee.

Psalmyn 87:4

Cur-jee my-ner ny Philistinee neesht: as adsyn jeh Tyre, marish ny Morianee; jeeagh, ayns shen v’eh er ny ruggey.

Isaiah 18:7

Ayns y traa shen vees gioot er ny hebbal gys Chiarn ny flaunyssee veih pobble skeaylt as speeinit, as veih pobble atchimagh veih’n toshiaght derrey nish; ashoon towshit magh, as stampit fo-chosh, yn cheer oc ta ny awinyn er vhilley, hig ad gys ynnyd ennym Chiarn ny flaunyssee, eer gys cronk Sion.

Isaiah 43:6

Jir-ym rish y twoaie, Cur seose; as rish y jiass, Ny jean lhiettal: cur-jee lhieu my vec veih foddey, as my inneenyn veih ardjyn ny cruinney;

Isaiah 45:14

Myr shoh ta’n Chiarn gra, Bee obbyr-lauee Egypt, as marchantys ny Ethiopianee, as ny Sabeanee, deiney thollee, er ny lhiantyn hood’s, as bee ad lhiat hene: hig ad geiyrt ort; ayns geulaghyn hig ad harrish, as tuittee ad sheese kiongoyrt rhyt, as nee ad aghin hood’s, gra, Dy shickyr ta Jee aynyd’s, as cha vel fer arragh; cha vel Jee elley.

Isaiah 60:3

As hig ny ashoonee gys dty hoilshey, as reeaghyn gys sollyssid dty voghrey.

Isaiah 60:6

Nee camelyn erskyn earroo taaghey hood, dromedareeyn Vidian as Ephah; adsyn ooilley veih Sheba hig ad: ver ad lhieu airh as incense; as soilshee ad magh ard-voylley yn Chiarn.

Isaiah 66:19

As soie-yms cowrey orroo, as ver-ym ny scapailtee jeu gys ny ashoonyn, gys Tarshish, Pul, as Lud, ta tayrn y vhow, gys Tubal as Javan, gys ny ellanyn foddey jeh, nagh vel er chlashtyn my ghoo, chamoo er vakin my ghloyr; as nee ad soilshaghey my ghloyr mastey ny ashoonee.

Jeremiah 13:23

Vod yn Ethiopian daah e chrackan y chaghlaa, ny’n leopard e spuitt? eisht foddee shiuish myrgeddin jannoo dy mie, t’er chliaghtey dy chur-rish olk.

Jeremiah 38:7

Nish tra cheayll Ebed-melech yn Ethiopian, fer jeh ny offishearyn va ayns thie yn ree, dy row ad er choyrt Jeremiah ’sy dungeon, (yn ree ’sy traa cheddin ny hoie ayns giat Venjamin,)

Jeremiah 39:16

Immee, as loayr rish Ebed-melech yn Ethiopian, gra, Myr shoh ta Chiarn ny flaunyssee, Jee Israel, dy ghra, Cur-my-ner, cooilleen-yms my ghoan er yn ard-valley shoh son olk, as cha nee son mie; as bee ad jeant mie ayns y laa shen kiongoyrt rhyt.

Zephaniah 3:10

Veih cheu elley jeh awinyn Ethiopia, nee my hirveishee, eer inneen my phobble va skeaylt voym, chebbal my oural.

Noo Mian 12:42

Nee ben-reïn y jiass girree seose ayns briwnys noi yn cheeloghe shoh, as ad y gheyrey: son haink ish veih ardjyn sodjey magh y thallooin, dy chlashtyn creenaght Solomon, as cur-my-ner ta fer s’ooasle na Solomon ayns shoh.

Noo Ean 12:20

As va shiartanse dy Ghreekyn nyn mast’ oc, v’er jeet seose dy chur ooashley ec y feailley:

Jannoo 8:28

As myr v’eh er y raad thie, ny hoie ayns e ainagh, as lhaih Esaias yn phadeyr.

Deuteronomy 30:13

Chamoo te cheu elley jeh’n aarkey, dy niarragh oo, Quoi hed harrish y cheayn er nyn son, dy choyrt lesh hooin eh, dy vod mayd clashtyn, as jannoo eh?

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.