Jannoo 8:22 - Yn Vible Casherick 1775 1819

²² Gow arrys er-y-fa shen jeh dty olkys, as guee gys Jee, hoiggal dy vod smooinaghtyn dty chree v’er ny leih dhyt.

Yn Conaant Noa 1810

²² Gow arrys er‐y‐fa shen jeh dty olkys, as guee gys Jee, hoiggal dy vod smooinaghtyn dty chree v’er ny leih dhyt.

Jannoo 8:22 ပူးပေါင်းရင်းမြစ်များ

Raaghyn Creeney 24:9

Ta peccah ayns smooinaghtyn ommijagh; as ta’n craidoilagh dwoaiagh mastey deiney.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Amos 5:6

Shir-jee gys y Chiarn, as bee shiu bio, er-aggle dy brish eh magh myr aile ayns thie Yoseph, as stroie eh, as nagh bee unnane erbee dy vooghey eh ayns Beth-el.

Jonah 1:6

Myr shen haink mainshtyr y lhong huggey, as dooyrt eh rish, Kys t’ou cadley myr shoh, y chadlag? irree, eïe er dty Yee, my she shen dy jean Jee smooinaghtyn orrin, nagh bee mayd caillit.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Jannoo 17:30

As er earishyn y vee-hushtey oc, cha ghow Jee kerraghey; agh nish t’eh cur sarey da dy chooilley ghooinney er feaï-ny-cruinney arrys y ghoaill:

Jannoo 2:38

Eisht dooyrt Peddyr roo, Gow-jee arrys, as bee-jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 8:20

Agh dooyrt Peddyr rish, Lhig da dty argid as oo hene cherraghtyn cooidjagh, er-yn-oyr dy vel oo er smooinaghtyn dy vod gioot Yee ve kionnit lesh argid.

Jannoo 9:11

As dooyrt y Chiarn rish, Irree, as immee gys y traïd ta enmyssit y traïd Yeeragh, as jean briaght ayns thie Yudas, son fer ta enmyssit Saul jeh Tarsus: son cur-my-ner, t’eh ec padjer,

Romanee 2:4

Ny vel oo soiaghey beg jeh berchys e vieys, as e veenid, as surranse-foddey, gyn toiggal dy vel mieys Yee dy dty leeideil gys arrys?

Hebrewnee 4:12

Son ta goo Yee bioal, as breeoil, as ny s’gyerey na cliwe erbee dy ghaa foyr, roie trooid gys eer rheynn veih-my-cheilley yn annym as y spyrryd, as ny juntyn as y smuir, as ronsaghey magh smooinaghtyn as kiarailyn y chree.

Ashlish 2:21

As hug mee traa jee dy ghoaill arrys jeh’n vaarderys eck, as cha ren ee arrys y ghoaill.