Jannoo 8:21 - Yn Vible Casherick 1775 1819

²¹ Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Yn Conaant Noa 1810

²¹ Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Jannoo 8:21 ပူးပေါင်းရင်းမြစ်များ

2 Recortyssyn 25:2

As ren eh shen ny va cairagh ayns shilley’n Chiarn, agh cha nee lesh slane ynrickys cree.

Nehemiah 2:20

Eisht dreggyr mee ad, as dooyrt mee roo, Nee Jee t’ayns niau shin y vishaghey; shen-y-fa nee shinyn e harvaantyn troggal orrin as buildal, agh cha vel euish ayrn, ny cairys, ny imraa ayns Jerusalem.

Psalmyn 36:1

Ta my chree ginsh dou olkys y vee-chrauee: nagh vel veg yn aggle dy Yee roish e hooillyn.

Ezekiel 14:3

Vac y dooinney, ta ny deiney shoh er hoiaghey seose ny jallooyn oc ayns nyn gree, as t’ad freayll oyr scammyltagh nyn mee-chairys kiongoyrt rish nyn eddin: as vel y daanys ayndoo dy vriaght jeem’s?

Leviticus 13:8

As my ta’n saggyrt fakin, as cur-my-ner dy vel y screb skeayley ayns y chrackan: eisht nee’n saggyrt eshyn y vriwnys neu-ghlen; louraanys t’ayn.

Habakkuk 2:4

Cur-my-ner, cha vel yn annym echeysyn ta mooaralagh, ynrick ayn: agh bee yn dooinney cairal sauchey liorish e chredjue.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Jannoo 8:37

As dooyrt Philip, My t’ou credjal lesh ooilley dty chree, foddee oo. As dreggyr eshyn as dooyrt eh, Ta mee credjal dy nee Yeesey Creest mac Yee.

Ephesianee 5:5

Son shoh ta fys eu er, nagh vel ec maarderagh erbee, ny persoon neu-ghlen, ny ec dooinney sayntoilagh, ta coyrt ammys da jallooyn, eiraght edyr ayns reeriaght Chreest as Yee.

Deuteronomy 10:9

Shen-y-fa cha vel ayrn ny eiraght ec Levi marish e vraaraghyn: yn Chiarn yn eiraght echey, rere myr yiall y Chiarn dty Yee da.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Joshua 22:25

Son ta’n Chiarn er n’yannoo Jordan yn chagliagh eddyr shinyn as shiuish; cha vel veg y chairys euish, chloan Reuben, as chloan Ghad, ayns y Chiarn: myr shoh yinnagh yn chloan euish giarey magh y chloan ainyn veih shirveish y Chiarn.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

Ashlish 20:6

Maynrey as casherick t’eshyn ta ayrn echey ayns y chied irree-seose-reesht: orroo shoh cha vel pooar ec y nah vaase, agh bee ad saggyrtyn Yee, as Chreest, as nee ad reill marish son thousane bleïn.

Ashlish 22:19

As my ghoys dooinney erbee veg ersooyl veih goan lioar y phadeyrys shoh, gowee Jee ersooyl yn ayrn echeysyn ass lioar y vea, as ass yn ard-valley casherick, as veih ny reddyn ta scruit ’sy lioar shoh.