Jannoo 7:60 - Yn Vible Casherick 1775 1819

⁶⁰ As ghlioon eh sheese, as deïe eh lesh ard-choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Yn Conaant Noa 1810

⁶⁰ As ghlioon eh sheese, as deïe eh lesh ard‐choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Jannoo 7:60 ပူးပေါင်းရင်းမြစ်များ

Ezra 9:5

As ec yn oural-fastyr, dirree mee seose veih my hrimshey, as lurg dou v’er raipey my gharmad, as my chloagey, huitt mee er my ghlioonyn as skeayl mee magh my laueyn gys y Chiarn my Yee,

Daniel 12:2

As nee ymmodee jeusyn, ta cadley ayns joan ny hooirey, doostey, paart gys bea dy bragh farraghtyn, as paart gys nearey as oltooan dy bragh farraghtyn.

Daniel 6:10

Nish tra hoig Daniel dy row ny screeuyn signit, hie eh stiagh gys e hie, as e uinniagyn ayns e hiamyr foshlit lesh Jerusalem, hie eh er e ghlioonyn three keayrtyn ’sy laa, as ghow eh padjer, as hug eh booise kiongoyrt rish e Yee, myr bollagh eh.

Noo Mian 27:52

As va ny oaiaghyn er nyn vosley, as ren ymmodee jeh kirp ny nooghyn va nyn gadley, girree seose,

Noo Mian 5:44

Agh ta mish gra riu, Bee-jee dooie da nyn noidyn, bannee-jee adsyn ta gwee mollaght diu, jean-jee mie dauesyn ta cur dwoaie diu, as gow-jee padjer er nyn son ocsyn ta dy goanlyssagh jannoo tranlaase erriu:

Noo Luke 22:41

As hie eh voue, mysh choud as hilgagh fer clagh, as huitt eh er e ghlioonyn, as ghow eh padjer,

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Luke 6:28

Bannee-jee adsyn ta gwee mollaght diu, as gow-jee padjer er nyn son ocsyn ta cur seaghyn erriu.

Noo Ean 11:11

Ny goan shoh loayr eh: as ny lurg shen dooyrt eh roo, Ta nyn garrey Lazarus ny chadley; agh ta mish goll dy ghoostey eh ass e chadley.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Jannoo 20:36

As tra v’eh er ghra shoh, ghlioon eh sheese, as ghow eh padjer mâroo ooilley.

Jannoo 21:5

As tra va ny laghyn ec kione, jimmee shin roïn, as hie shin er nyn raad; as hie ad ooilley magh mârin dy chur shin er nyn doshiaght er nyn yurnah, mârish mraane as cloan, derrey va shin mooie ass y valley: as ghlioon shin sheese er y traie, as ghow shin padjer.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

1 Corinthianee 11:30

Son yn oyr shoh ta ymmodee annoon as doghanagh ny-vud eu, as ymmodee nyn gadley.

1 Corinthianee 15:18

Eisht t’adsyn myrgeddin ta nyn gadley ayns Creest, er jerraghtyn.

1 Corinthianee 15:20

Agh nish ta Creest er n’irree veih ny merriu, as er jeet dy ve yn chied-vess jeusyn ren cadley.

1 Corinthianee 15:51

Cur-jee my-ner, ta mee soilshaghey diu folliaght; Cha jean mayd ooilley cadley, agh bee mayd ooilley er nyn gaghlaa,

1 Corinthianee 15:6

Ny lurg shen v’eh er ny akin liorish ny smoo na queig cheead braar ec yn un cheayrt: jeu ta’n ayrn smoo er-mayrn gys y traa t’ayn: agh ta paart er duittym nyn gadley.

1 Thessalonianee 5:10

Hur baase er nyn son, edyr shin ve dooisht ny nyn gadley, dy vod shin ve bio cooidjagh mârishyn.

2 Timothy 4:16

Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee-ym er Jee nagh bee eh er ny choyrt gys y lieh oc.

2 Peddyr 3:4

As gra, Cre vel gialdyn y cheet echey? son er-dyn traa huitt ny ayraghyn nyn gadley, ta dy chooilley nhee tannaghtyn myr v’ad er-dy hoshiaght y chroo.