Jannoo 7:52 - Yn Vible Casherick 1775 1819

⁵² Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:

Yn Conaant Noa 1810

⁵² Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

Jannoo 7:52 ပူးပေါင်းရင်းမြစ်များ

1 Reeaghyn 19:10

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh: son ta cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as ta mish, dy jarroo mish my-lomarcan, faagit er-mayrn; as t’ad shirrey my vioys, dy ghoaill eh ersooyl.

1 Reeaghyn 19:14

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh; er-yn-oyr dy vel cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as mish, dy jarroo mish my-lomarcan ta faagit er-mayrn, as t’ad shirrey my vioys, dy ghoaill eh ersooyl.

2 Recortyssyn 36:15

As hug y Chiarn Jee nyn ayraghyn huc e haghteryn, coyrlaghey ad dy kinjagh as dy kiaralagh; son dy row chymmey echey er e phobble, as er e chummal chasherick.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 20:2

Eisht woaill Pashur er Jeremiah yn adeyr, as hug eh eh ayns ny sthockyn va liorish ard-yiat Venjamin, er-gerrey da thie’n Chiarn.

Jeremiah 26:15

Agh toig-jee son shickyrys, my ver shiu mee dy baase, ver shiu lhieu son shickyrys fuill neu-chyndagh erriu hene, as er yn ard-valley shoh, as er ny cummaltee eck: son dy firrinagh-focklagh hug y Chiarn mish magh hiu, dy loayrt ooilley ny goan shoh ayns nyn glashtyn.

Jeremiah 26:23

As hug ad lhieu Urijah veih Egypt; as livrey ad eh gys laue y ree, hug er dy ve er ny varroo lesh y chliwe, as e chorp marroo dy ve er ny oanluckey ayns oaiaghyn ny kimmee.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Noo Mian 5:12

Gow-jee boggey, as bee-jee erskyn-towse gennal: son s’mooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 6:23

Bee-jee dy ghien mie ayns y laa shen, as lheim-jee son boggey: son cur-my-ner, s’mooar ta nyn leagh ayns niau: son er yn aght cheddin ren ny shenn-ayryn oc rish ny phadeyryn.

Noo Ean 16:10

Mychione cairys, son dy vel mee goll roym gys yn Ayr, as nagh vaik shiu mee arragh;

Jannoo 2:23

Eshyn va currit diu liorish oardagh ro-laue as fysseree Yee, ta shiuish er ghoaill, as lesh laueyn mee-chrauee er chrossey as er varroo.

Jannoo 22:14

As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer-cairagh shen y akin, as clashtyn coraa e veeal.

Jannoo 3:18

Agh shen va Jee ro-laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 3:24

As ta myrgeddin ooilley ny phadeyryn veih Samuel, dy jarroo whilleen as haink ny yeï, as ren phadeyrys, er n’insh ro-laue jeh ny laghyn shoh.

Jannoo 4:10

Lhig da fys y ve euish ooilley, as ec ooilley pobble Israel, dy nee liorish ennym Yeesey Creest dy Nazareth, ren shiuish y chrossey, eh ren Jee y hroggal veih ny merriu, dy jarroo liorishyn ta’n dooinney shoh ta ny hassoo kiongoyrt riu er n’gheddyn slane couyr.

1 Thessalonianee 2:15

Chur dy baase chammah yn Chiarn Yeesey, as ny phadeyryn oc hene, as er n’yannoo tranlaase orrin; as cha vel ad pleasal Jee, as t’ad noi dy chooilley ghooinney:

2 Timothy 3:4

Traitooryn, teaymagh, ard-aignagh, ny s’graihee er eunyssyn y vea shoh na er Jee;

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro-laue jeh surranse Chreest, as yn ghloyr va dy eiyrt er.

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer-cairagh:

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley: