Jannoo 7:51 - Yn Vible Casherick 1775 1819

⁵¹ Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Yn Conaant Noa 1810

⁵¹ Shiuish chreoi‐wannallee, as an‐ghiarey‐chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Jannoo 7:51 ပူးပေါင်းရင်းမြစ်များ

2 Reeaghyn 17:14

Ny-yeih, cha n’eaishtagh ad, agh v’ad creoi-wannallagh, myr va nyn ayraghyn, nagh ren credjal ayns y Chiarn y Jee oc.

2 Recortyssyn 30:8

Nish ny bee-jee creoi-wannallagh, myr va nyn ayraghyn agh livrey-jee shiu hene seose gys y Chiarn, as tar-jee gys yn ynnyd, t’eh er chasherickey son dy bragh: as shirveish-jee yn Chiarn y Jee eu, dy vod eulys e chorree chyndaa ersooyl veue.

Nehemiah 9:16

Agh ren adsyn as nyn ayraghyn dellal dy roonagh, as chreoi ad nyn mwannal, as cha deaisht ad rish dty annaghyn.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Psalmyn 75:5

Dooyrt mee rish ny ommydanyn, Ny jean-jee cha keoi: as rish y vooinjer vee-chrauee, Ny soie-jee seose nyn eairk;

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Exodus 32:9

As dooyrt y Chiarn rish Moses, Ta mee er vakin yn pobble shoh, as cur-my-ner pobble creoi-wannallagh ad.

Exodus 33:3

Gys cheer raad ta palchey dy vainney as mill; son cha jem’s seose ny mast’ eu; son dy nee pobble creoi-wannallagh shiu; nagh stroie-ym shiu er y raad.

Exodus 33:5

Son va’n Chiarn er ghra rish Moses, Abbyr rish cloan Israel, Pobble creoi-wannallagh shiu; hig-yms nyn mastey ’sy tullogh, dy choyrt mow shiu: cur nish er-y-fa shen jeed dty choamraghyn moyrnagh, dy voddym fakin cre dy yannoo rhyt.

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Isaiah 48:4

Er-y-fa dy row fys aym’s dy vel oo roonagh, as ta dty wannal feh-yiarn, as dty vaaish prash;

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Jeremiah 17:23

Agh cha dug adsyn biallys, chamoo chroym ad nyn gleaysh, agh ren ad nyn mwannal roonagh, nagh jinnagh ad geaishtagh, ny goaill ynsagh.

Jeremiah 4:4

Bee-jee er nyn yiarey-chymmylt gys y Chiarn, as gow-jee ersooyl neu-ghlennid nyn gree, shiuish gheiney Yudah, as chummaltee Yerusalem; er-aggle dy brish my eulys magh myr aile, as lostey nagh vod eh v’er ny vooghey, kyndagh rish nyn ghrogh-yannoo.

Jeremiah 6:10

Quoi rish loayr-ym as ver-ym raaue, dy vod ad clashtyn? Cur-my-ner, ta’n chleaysh oc chymmyltagh, as cha vod ad clashtyn: cur-my-ner, cha vel goo yn Chiarn agh craid dauesyn; cha vel veg y taitnys oc ayn.

Ezekiel 2:4

Son t’ad cloan ghaaney as creoi-chreeagh: ta mee dy dty chur hucsyn, as jir oo roo, Myr shoh ta’n Chiarn Jee dy ghra.

Ezekiel 44:7

Ayns dy vel shiu er chur lhieu joarreeyn chymmyltagh ayns cree, as chymmyltagh ayns callin stiagh ayns my ynnyd casherick, dy hollaghey eh, eer my hie hene, tra ta shiu chebbal my oural-arran, yn eeh, as yn uill, as t’ad er vrishey my chonaant, liorish ooilley nyn obbraghyn dwoaiagh.

Ezekiel 44:9

Myr shoh ta’n Chiarn Jee dy ghra, Cha jean joarree erbee, nagh vel er ny yiarey-chymmylt ayns cree, chammah’s callin, goll stiagh ayns my ynnyd’s casherick, eer joarree erbee ta mastey cloan Israel.

Leviticus 26:41

As dy vel mish neesht er choyrt cooyl roosyn, as er chur lhiam ad gys cheer nyn noidyn; my vees eisht nyn greeaghyn mee-viallagh er nyn injillaghey, as ad dy ghoaill rish kerraghey nyn beccaghyn:

Earrooyn 27:14

Son cha dug shiu biallys da’n sarey aym’s (ayns faasagh Zin, ayns irree-magh y cheshaght) liorish nagh dug shiu onnor dou ec yn ushtey, roish ny sooillyn oc: ta shen, ushtey Meribah ec Kadesh, ayns faasagh Zin.

Jannoo 6:10

As cha row ad abyl shassoo magh noi yn chreenaght as y spyrryd v’eshyn loayrt lesh.

Jannoo 7:27

Agh hug eshyn va jannoo aggair da e naboo eddin da, gra, Quoi ren uss dty er-reill as dty vriw harrin?

Jannoo 7:35

Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Jannoo 7:39

Da nagh baillish ny ayraghyn ain ve biallagh, agh yioold ad rish, as ayns nyn greeaghyn hyndaa ad back reesht gys Egypt.

Jannoo 7:9

Agh ny shenn-ayryn greinnit lesh troo chreck ad Joseph gys Egypt, agh va Jee mârish,

Romanee 2:25

Son dy firrinagh ta giarey-chymmylt vondeishagh, my t’ou freayll y leigh: agh my t’ou brishey’n leigh, ta dty ghiarey-chymmylt jeant ny an-ghiarey-chymmylt.

Ephesianee 4:30

As ny cur-jee corree er Spyrryd casherick Yee, liorish ta shiu cowrit gys laa yn livrey-ys eu.

Deuteronomy 10:16

Jean-jee, er-y-fa shen, nyn greeaghyn y yiarey-chymmylt, as ny bee-jee ny sodjey creoi-wannallagh.

Deuteronomy 30:6

As nee’n Chiarn dty Yee dty chree y yiarey-chymmylt, as cree dty luight, dy choyrt graih da’n Chiarn dty Yee, lesh ooilley dty chree, as lesh ooilley dt’annym, dy vod oo ve beayn.

Deuteronomy 31:27

Son shione dou dty vee-viallys, as dty chreoi-wannallys: cur-my-ner, eer rish my lhing hene, gys y laa t’ayn jiu, ta shiu er ve mee-viallagh da’n Chiarn; as cre-woad smoo eisht lurg my vaase?

Deuteronomy 9:13

Ny-sodjey, loayr y Chiarn rhym’s, gra, Ta mee er vakin y pobble shoh, as cur-my-ner, pobble creoi-wannallagh ad.

Deuteronomy 9:6

Toig er-y-fa shen, nagh nee son y chairys ayd hene, ta’n Chiarn dty Yee coyrt eiraght dhyt ’sy cheer mie shoh: son pobble creoi-wannallagh oo.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Colossianee 2:11

Aynsyn ta shiuish myrgeddin er nyn ghiarey-chymmylt lesh y ghiarey-chymmylt jeant fegooish laueyn, ayns coyrt ersooyl corp peccaghyn yn eill, liorish giarey-chymmylt Chreest: