Jannoo 7:50 - Yn Vible Casherick 1775 1819

⁵⁰ Nagh nee my laue’s ren dy chooilley nhee jeu shoh?

Yn Conaant Noa 1810

⁵⁰ Nagh nee my laue’s ren dy chooilley nhee jeu shoh?

Jannoo 7:50 ပူးပေါင်းရင်းမြစ်များ

Exodus 20:11

Son ayns shey laa chroo yn Chiarn niau as thalloo, yn faarkey, as ooilley ny t’ayndoo, as scuirr eh er y chiaghtoo laa: shen-y-fa vannee yn Chiarn y chiaghtoo laa, as ren eh eh y chasherickey.

Isaiah 40:28

Nagh vel fys ayd hene, nagh vel oo er chlashtyn, nagh vel yn Jee dy bragh, beayn, yn Chiarn, Fer-croo king y theihll, gannooinaghey, ny gaase skee? cha vod roshtyn ve jeant er y tushtey echey.

Isaiah 44:24

Myr shoh ta’n Chiarn, dty Haualtagh, dy ghra, as eshyn ren dty chummey ’sy vreïn, Mish y Chiarn ta jannoo dy chooilley nhee; mish my-lomarcan ta skeayley magh ny niaughyn; mish mee hene ta sheeyney magh yn thalloo;

Isaiah 45:12

Ta mee er n’yannoo yn thalloo, as er chroo dooinney er: she mish, eer my laueyn hene, t’er heeyney magh ny niaughyn, as ooilley yn cheshaght-chaggee oc ta mee er oardrail.

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Jeremiah 10:11

Myr shoh jir shiu roosyn, Ny jeeghyn nagh ren ny niaughyn ny’n thalloo y chroo, nee ad shen eer cherraghtyn veih’n thalloo, as veih fo ny niaughyn shoh.

Jeremiah 32:17

O Hiarn Yee, cur-my-ner, t’ou uss er chroo niau as thalloo liorish dty phooar niartal as dty roih sheeynt magh, as dhyt’s cha vel nhee erbee ro ghoillee:

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 17:24

Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn: