Jannoo 7:5 - Yn Vible Casherick 1775 1819

⁵ As cha dug eh eiraght erbee da ayn, wheesh as lheead trie: foast ghiall eh dy jinnagh eh da eh son eiraght, as da e luight ny yeï, tra v’eh foast gyn cloan.

Yn Conaant Noa 1810

⁵ As cha dug eh eiraght erbee da ayn, wheesh as lheead trie: foast ghiall eh dy jinnagh eh da eh son eiraght, as da e luight ny‐yeï, tra v’eh foast gyn cloan.

Jannoo 7:5 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 13:15

Son ooilley yn cheer t’ou dy akin, dhyt’s ver-ym eh, as da dty luight son dy bragh.

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

Genesis 16:2

As dooyrt Sarai rish Abram, Cur-my-ner nish, ta’n Chiarn er m’y lhiettal veih gymmyrkey cloan: ta mee guee ort, gow stiagh gys my inney-veyl: foddee cloan ’ve aym’s lioree: As hug Abram geill da goan Sarai.

Genesis 17:8

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

Genesis 23:4

Ta mee my yoarree, as my hroailtagh mêriu. Cur-jee dou cairys ayns grunt oanluckee mêriu, dy voddym yn marroo y oanluckey ass my hilley.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Ezekiel 33:24

Vac y dooinney, t’adsyn ta baghey ayns fadaneyssyn cheer Israel dy ghra, Cha row Abraham agh un er, as va’n slane cheer echey myr eiraght: agh ta shinyn ymmodee, as ta’n cheer er ny choyrt dooinyn son eiraght.

Deuteronomy 10:11

As dooyrt y Chiarn rhym, Trog ort, gow dty yurnah ec kione y pobble shoh, dy vod ad goll stiagh as goaill possession jeh’n cheer, vreear mee da ny ayraghyn oc dy choyrt daue.

Deuteronomy 11:9

As dy vod ny laghyn eu ve beayn ayns y cheer vreear y Chiarn dy choyrt da nyn ayraghyn, as da nyn sluight, cheer ta palchey ayns bainney as mill.

Deuteronomy 2:5

Ny cur-jee eïe orroo; son cha der-yms diuish wheesh lheead trie jeh’n cheer oc, er-yn-oyr dy vel mee er choyrt cronk Seir da Esau son eiraght.

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.