Jannoo 7:49 - Yn Vible Casherick 1775 1819

⁴⁹ Niau my stoyl-reeoil, as y thalloo stoyl my choshey: cre’n thie hroggys shiu dooys? ta’n Chiarn gra: ny cre vel ynnyd my haaue?

Yn Conaant Noa 1810

⁴⁹ Niau my stoyl‐reeoil, as y thalloo stoyl my choshey: cre’n thie hroggys shiu dooys? ta’n Chiarn gra: ny cre vel ynnyd my haaue?

Jannoo 7:49 ပူးပေါင်းရင်းမြစ်များ

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

2 Recortyssyn 6:18

(Agh jean Jee dy jarroo cummal marish deiney er y thalloo? cur-my-ner, cha vod niau, as niau ny niaughyn uss y ghoaill; cre-woad sloo yn thie shoh ta mish er hroggal?)

Psalmyn 11:4

Ta’n Chiarn ayns e hiamble casherick: ta stoyl-reeoil y Chiarn ayns niau.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Mian 23:22

As eshyn looys liorish niau, t’eh loo liorish stoyl-reeoil Yee, as liorishyn ta ny hoie er.

Noo Mian 24:2

As dooyrt Yeesey roo, Nagh vaik shiu ooilley ny reddyn shoh? dy firrinagh ta mee gra riu, Nagh bee faagit un chlagh er clagh elley, nagh bee er ny lhieggal.

Noo Ean 4:21

Dooyrt Yeesey r’ee, Ven, cred mish, ta’n oor cheet tra nagh jean shiu er y clieau shoh, ny foast ec Jerusalem ooashley ’choyrt da’n Ayr.

Ashlish 3:21

Dasyn ta geddyn y varriaght low-yms dy hoie mârym er my stoyl-reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl-reeoil echeysyn.